नाशिकमध्ये (Nashik) 7.1 आणि निफाड (Niphad) मध्ये 6.1 अंश सेल्सिअस किमान तापमान नोंद झाली आहे. त्यामुळे आता नाशिक चांगलंच गारठलं असून, नाशिककरांना हुडहुडी भरली आहे. जिल्हयात रात्रीपासून गार वारा वाहतोय. 14 ते 15 अंश सेल्सिअस किमान तापमानावरून पारा खूपच खाली घसरल्यानं आरोग्याच्या तक्रारीत भर पडणार आहे. कोरोना रुग्ण झपाट्याने वाढत असल्याने खबरदारी घ्यावी लागणार आहे.
राज्यात अनेक ठिकाणी गारपीट देखील झाली असून, परतीच्या पावसाचा अंदाजही वर्तवण्यात आलेला आहे. एकीकडे कोरोना आणि ओमिक्रॉनने चिंता वाढवलेली असताना दुसरीकडे वातावरणात होणाऱ्या अशा बदलांमुळे नागरिकांमध्ये आरोग्याच्या अनेक समस्या येण्याची शक्यता आहे.
उत्तरेकडील पश्चिमी चक्रावात, अरबी समुद्रातून होत असलेला बाष्प पुरवठा त्याचबरोबर बंगालच्या उपसागरातून एकत्र येणारे वारे, यांच्या प्रभावामुळे पुढील चार दिवस मध्य आणि वायव्य भारतात (India) पावसाची शक्यता आहे. यामुळे राज्यातही पावसासाठी पोषक हवामान निर्माण झाले असून पुढील दोन दिवस विदर्भ (Vidarbha) आणि मराठवाड्यात (Marathwada) विजांच्या कडकडाटासह पाऊस तर काही भागात गारा पडण्याची शक्यता आहे. राज्याच्या विविध भागांमध्ये गेल्या दोन दिवसात पावसाने हजेरी लावली तर विदर्भात तुरळक ठिकाणी गारपीट झाली. दरम्यान, सोमवारी मराठवाडा आणि विदर्भात तुरळक ठिकाणी विजांच्या कडकडाटासह गारा पडण्याची शक्यता हवामान विभागाने वर्तविली आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.