Breaking News | नाशिकला पावसाने झोपडले; गुजरातला जोडणारा पूल पाण्याखाली

नाशिक : नाशिक जिल्ह्यात गेल्या दोन दिवसांपासून पावसाचे जोरदार आगमन झाले आहे. संततधार बरसणाऱ्या पावसामुळे नद्या दुथडी भरुन वाहत आहेत. अनेक ठिकाणी पुरपरिस्थीती निर्माण झाली. महाराष्ट्र- गुजरातला जोडणारा नार नदीवरील पूल पाण्याखाली गेला.

महाराष्ट्रातील राक्षस भुवन जवळचा नार नदीवरील पूल पाण्याखाली गेल्याने दोन्ही राज्यांचा संपर्क तुटला आहे. नार नदीवरील हा पुल महाराष्ट्र गुजरातला जोडणारा एक महत्वाचा दुवा आहे. पुल पाण्याखाली मोठी समस्या निर्माण झाली आहे. याच बरोबर परिसरातील आणखी एक पुल वाहून गेल्याची माहिती समोर येत आहे.