Suhas kande : तुकडाबंदी कायदा रद्दचे सुहास कांदेंकडून स्वागत; सामान्यांचे घराचे स्वप्न होणार साकार

मनमाड- राज्यातील शहरी भागांमध्ये जमीन खरेदी-विक्रीवर मर्यादा घालणारा तुकडाबंदी कायदा रद्द करण्याचा निर्णय महायुती सरकारने घेतला आहे. हा निर्णय जनहितकारी असल्याचे मत शिवसेनेचे आमदार सुहास कांदे यांनी निवेदनात म्हटले आहे..महसूल मंत्री चंद्रशेखर बावनकुळे यांनी हा निर्णय विधानसभेत जाहीर केला. ७८ वर्षांपूर्वी अस्तित्वात आलेल्या या कायद्यामुळे शहरी भागातील गुंठेवारी जमिनींच्या खरेदी-विक्रीत अनेक अडथळे निर्माण झाले होते. त्यामुळे नागरिकांना आपल्या मालकीची जमीन असूनही बांधकाम करता येत नव्हते. .सरकारने वर्षाच्या सुरवातीलाच कायदा रद्द करण्याच्या दिशेने विचार सुरू केला होता आणि आता त्याला अंतिम स्वरूप देण्यात आले आहे. या निर्णयामुळे महाविकास आघाडी सरकारच्या काळात तयार झालेल्या बिल्डर धार्जिण्या धोरणाला आळा बसणार आहे, असे आमदार सुहास कांदे यांनी सांगितले..“महाविकास आघाडी सरकारने तयार केलेली भूमी धोरणे ही विकासकांना पोषक, तर गरीब आणि मध्यमवर्गीयांसाठी प्रतिकूल होती. हे धोरण फक्त बिल्डरांच्या फायद्यासाठी तयार झाले होते, ज्यामुळे सामान्य जनतेचे घराचे स्वप्न अपूर्ण राहिले.ते स्वप्न पूर्ण होण्यास मदत होणार आहे.”.Raj Thackeray : राज ठाकरे इगतपुरी शिबिरातून निवडणुकीचे रणशिंग फुंकणार?.गुंठ्यापासून जमीन खरेदी-विक्रीला मुभाया निर्णयाचा थेट फायदा राज्यातील ५० लाखांहून अधिक नागरिकांना होणार आहे. १२ जुलै २०२१ ला महाविकास आघाडी सरकारने एक परिपत्रक काढून एक, दोन किंवा तीन गुंठे शेतजमिनींच्या खरेदी-विक्रीवर निर्बंध घातले होते. त्या निर्णयात जिरायती जमिनीसाठी किमान २० गुंठे आणि बागायत जमिनीसाठी ११ गुंठ्यांपेक्षा कमी व्यवहारास मनाई होती. त्यामुळे अल्पभूधारक शेतकरी आणि लहान प्लॉट घेऊ इच्छिणाऱ्या नागरिकांचे मोठे नुकसान होत होते. आता शहरी, उपशहरी भागात एक गुंठ्यापासून जमीन खरेदी-विक्रीला मुभा मिळणार आहे, असेही कांदे यांनी सांगितले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.