मालेगाव ब्लास्ट प्रकरणात ATS वर साक्षीदाराचे खळबळजनक आरोप

आज (दि. ३) मुंबईतील विशेष एनआयए (NIA Court) न्यायालयात मालेगाव ब्लास्ट (Malegaon Blast) खटल्याची सुनावणी झाली. यावेळी अजून एक साक्षीदार (Witness) आपल्या जबाबापासून पलटला. त्याने एटीएस (Anti-Terrorism Squad) वर खळबळजनक आरोप केले. विशेष म्हणजे आतापर्यंत या प्रकणात जवळपास १७ साक्षीदारांनी आपला जबाब बदलला आहे.

आज मुंबईतील विशेष एनआयए (National Investigation Agency) न्यायालयात मालेगाव ब्लास्ट (Malegaon Blast) प्रकरणी हजर असलेला साक्षीदार वेदने आपला जबाब बदलला. "मला एटीएस पोलिसांनी जबरदस्तीने घरातून नेले, तीन ते चार वेळा नेले आणि तीन ते चार दिवस बेकायदेशीर कोठडीत ठेवून मारले. यावेळी केलेल्या मारहाणीत माझा एक कानाला इजा झाली. एके रात्री दोन-तीनच्या सुमारास माझा डोक्याला बंदूक लावून ठार मारण्याचा प्रयत्न देखील केला गेला. हे सर्व मला जबरदस्तीने आरएसएस (RSS) संघटनेचे आणि त्यांच्या पदाधिकाऱ्याचे नाव घेण्यासाठी केले गेले.' असा खळबळजनक आरोप वेदनेने केला.

तो पुढे म्हणाला की, मी आरएसएस संघटनेचा सदस्य नाही. त्यांच्या कोणत्याही पदाधिकाऱ्यांची नावे मला माहिती नाहीत. तरीही ते मला सतत धमकी देत होते. दरम्यान मालेगाव ब्लास्ट प्रकरणाची पुढील सुनावणी उद्या दि. ०४ रोजी होणार आहे.