सिडको (नाशिक) : सध्या महापालिका व जिल्हा परिषद निवडणुकीच्या पार्श्वभूमीवर पक्षांतराचे वारे वाहत असतानाच नाशिक पश्चिम विधानसभा मतदार संघातील भाजप आमदार सीमा हिरे व राष्ट्रवादी काँग्रेसच्या नेत्या खासदार सुप्रिया सुळे यांच्या सोबतच्या भेटीचा एक फोटो सोशल मीडियावर व्हायरल झाल्याने हिरे समर्थकांमध्ये खळबळ उडाली आहे.
नाशिक महापालिका निवडणुकीच्या पार्श्वभूमीवर मागील दोन दौऱ्यामध्ये शिवसेना नेते व खासदार संजय राऊत यांच्या उपस्थितीत भाजपच्या दोन नगरसेवकांची हजेरी दिसून असल्याने त्यांच्या भाजप प्रवेशाची चर्चा सुरू असतानाच नुकतेच आमदार सीमा हिरे यांनी मुंबईतील मंत्रालयात राष्ट्रवादी काँग्रेसच्या खासदार सुप्रिया सुळे यांची भेट घेऊन चर्चा केल्यानंतरचा एक फोटो सोशल मीडियावर व्हायरल झाला. यानंतर हिरे यांच्या समर्थकांमध्ये उलटसुलट चर्चा ऐकायला मिळत आहे. याबाबत खासदार सुळे व आमदार सीमा येथे यांचा फोटो व्हायरल करणाऱ्या भाजप युवा मोर्चाचे उपाध्यक्ष सुशील नाईक यांच्याशी बोलणे केले असता, त्यांनी बुधवारी (ता.२४) एका कामानिमित्त सदर भेट झाल्याचे सांगून ही भेट कुठल्याही प्रकारे राजकीय नसल्याचे स्पष्टीकरण दिले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
