अल्पवयीन मुलीचा विनयभंग; आरोपीला सक्तमजुरीची शिक्षा | Sakal
sakal

बोलून बातमी शोधा

Molestation

अल्पवयीन मुलीचा विनयभंग; आरोपीला सक्तमजुरीची शिक्षा

नाशिक : जिल्ह्यातील सिन्नर येथे घडलेल्या अल्पवयीन मुलीच्या (Minor Girl) विनयभंग (Molestation) प्रकरणी जिल्हा व सत्र न्यायालयाने आरोपीला तीन वर्षे सक्तमजुरी व १२ हजार रुपये दंडाची शिक्षा ठोठावली. स्वप्निल विलास लोणारे (रा. विजयनगर, सिन्नर) असे शिक्षा ठोठावण्यात आलेल्या आरोपीचे नाव आहे. (Molestation of minor girl accused was sentenced to hard labor Nashik Crime News)

हेही वाचा: विंचूरला दुग्धव्यावसायिकाचे 1 लाख रुपये लांबविले

पीडितेच्या फिर्यादीनुसार, १३ सप्टेंबर २०१७ रोजी सिन्नर शहर परिसरात राहणाऱ्या अल्पवयीन मुलीच्या घरात आरोपी स्वप्निल लपून बसला होता. पीडित मुलगी घरात आल्यानंतर आरोपीने तिचा विनयभंग केला होता. याप्रकरणी सिन्नर पोलीस ठाण्यात विनयभंगासह पोस्कोअन्वये गुन्हा दाखल करण्यात आला होता. याप्रकरणी तत्कालीन सहायक पोलीस निरीक्षक आर.बी. लोखंडे यांनी तपास करीत, जिल्हा न्यायालयात दोषारोपपत्र सादर केले होते. त्यानुसार, जिल्हा व सत्र न्यायालयाचे न्यायधीश डी.डी. देशमुख यांच्यासमोर खटला चालला. यावेळी सरकारी पक्षातर्फे ॲड. दीपशिखा भिडे यांनी युक्तिवाद करीत सहा साक्षीदार तपासले व पुरावे सादर केले. त्यानुसार न्यायधीशांनी आरोपी स्वप्निल लोणारे यास तीन वर्षे सक्तमजुरी व १२ हजार रुपये दंडाची शिक्षा ठोठावली.

हेही वाचा: नाशिक : वीजपुरवठा खंडित करून चोरट्यांनी फोडली दानपेटी

Web Title: Molestation Of Minor Girl Accused Was Sentenced To Hard Labor Nashik Crime News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..