सातपूर ला गॅसचा भडका होरपळून आईचा मृत्यू तर मुलगी गंभीर जखमी

सातपूर (जि. नाशिक) : राधाकृष्णनगर येथील सरोदे संकुलामध्ये बुधवारी रात्री साडेनऊच्या सुमारास स्वयंपाक करत असताना गॅस सिलिंडरचा भडका होऊन आईचा मृत्यू तर मुलगी गंभीर भाजल्याची घटना घडली.

बुधवारी (ता. २०) रात्री साडेनऊ वाजेच्या सुमारास अर्चना ललेंद्र सिंह (रा. सरोदे संकुल रु.न ५ वय ४०) या स्वयंपाक करत असताना गॅस नळीमधून गॅस लिकेज होऊन अचानक आगीचा भडका झाला. त्यामुळे आगीत अर्चना या ७५ टक्के भाजल्या गेल्या. त्यांना उपचारासाठी जिल्हा रुग्णालयात दाखल केले असता उपचारा पूर्वीच त्यांचा मृत्यू झालेच डॉक्टरांनी घोषित केले. मुलगी हस्ता ललेंद्र सिंग (वय १६) ही देखील आगीत २० टक्के भाजली गेली. तिला अशोकनगर येथील खासगी रूग्णालयात उपचारासाठी दाखल केले आहे. अर्चना यांचे पती ललेंद्र सिंह यांनी आगीतून दोघींना वाचविण्याचे शर्थीचे प्रयत्न केले. आगीवर नियंत्रण आणण्यासाठी अग्निशमन दलाचे पथक दाखल झाले होते. सातपूर पोलिस ठाण्यात आकस्मिक मृत्यूची नोंद करण्यात आली आहे.