नाशिक : अवैध वृक्षतोडीबद्दल खासदार पुत्राकडून दंडाचा भरणा

नाशिक : विनापरवाना वृक्ष तोडल्याप्रकरणी महापालिकेच्या (NMC) नोटिशीनंतर खासदार पूत्र अजिंक्य गोडसे व योगेश ताजनपुरे यांनी ४ लाख २० हजारांचा दंड भरला. (MPs son pays fine for illegal tree cutting Nashik News)

महापालिकेने तोडलेल्या लाकडाचा एक टेम्पो जप्त करून सात दिवसांत दंड भरण्याची नोटीस दिली होती. उपायुक्त दिलीप मेणकर हे सिन्नर फाटा परिसरात गुरुवारी (ता. ९) सकाळी साडेनऊच्या सुमारास पाहणी करत असताना जुना ओढा रोड, खर्जुल मळा उड्डाणपुलाच्या जागेत झाडे तोडून ती टेम्पो या वाहनात टाकलेली दिसली. वृक्ष तोडण्यासाठी परवानगी घेतली आहे का, याची विचारणा उपायुक्त मेणकर यांनी त्या वाहनधारकाकडे केली. त्या वाहनधारकाने काही माहिती नसल्याचे सांगितले. पुढे ही झाडे अजिंक्य गोडसे, योगेश ताजनपुरे यांच्या सांगण्यावरून अवैधरीत्या तोडल्याचे पुढे आल्यावर महापालिकेने नोटीस देऊन ४ लाख २९ हजारांचा दंड आकारला होता.