नाशिक : 38 एसटी कर्मचारी सेवेत रुजू; दिवसभरात धावल्या 100 बस | Sakal
sakal

बोलून बातमी शोधा

ST Bus

नाशिक : 38 एसटी कर्मचारी सेवेत रुजू; दिवसभरात धावल्या 100 बस

नाशिक : शासकीय सेवेत विलिनीकरणासाठी एकीकडे दोन महिन्यापासून एसटी (ST) कर्मचारी हे संपावर बसलेले आहे. तर दुसरीकडे संपातील अनेक कर्मचारी हे पुन्हा सेवेत देखील परतत आहे. नाशिक विभागात गुरुवारी (ता. ६) ३८ कर्मचारी हे कामावर परतले. यामुळे जिल्ह्यातील २५ टक्के एसटी कर्मचारी हे सेवेत आले आहे. यातच दिवसभरात १०० बस धावल्याचा दावा एसटी प्रशासनाकडून करण्यात आला आहे. आज प्रशासनाकडून दोन कर्मचारी हे बडतर्फे तर २२ कर्मचाऱ्यांना आरोपपत्र देण्यात आले. (MSRTC Strike)

दोन महिन्यांपासून एसटी कर्मचारी हे शासकीय सेवेत विलीनीकरण करावे या मागणीसाठी संपावर गेले आहे. संपावर गेल्याने शासनाने दिलेले ४० टक्के पगारवाढ देखील या कर्मचाऱ्यांनी नाकारत संप कायम ठेवला आहे. यामुळे प्रशासनाकडून आता कर्मचाऱ्यांना बडतर्फे करण्याची कारवाई केली जात आहे. नाशिक विभागात गुरुवारी (ता.६) दोन कर्मचाऱ्यांना सेवेतून बडतर्फे करण्यात आले. यामुळे बडतर्फे कर्मचाऱ्यांची संख्या ३६ वर गेली आहे.
एकीकडे कर्मचारी बडतर्फे केले जात असतान दुसरीकडे सेवेत पुन्हा रूजू होणाऱ्या कर्मचाऱ्यांची संख्या देखील वाढत आहे. ३८ कर्मचारी हे गुरुवारी सेवेत परतले. यामुळे कामावर परतल्यांची संख्या आता बाराशेच्या घरात पोहचली आहे. गुरूवारी जिल्ह्यात ९७८ कर्मचाऱ्यांनी हजेरी लगावली.

हेही वाचा: नाशिक रेल्वेस्थानकावर ‘आओ जाओ घर तुम्हारा’

जिल्ह्यात धावल्या १०० बस

कर्मचारी परतत असल्याने एसटीच्या फेऱ्या देखील वाढू लागल्या आहे. गुरुवारी दिवसभरात जिल्ह्यात १०० बस धावल्याचा दावा एसटी प्रशासनाने केला आहे. यामध्ये नाशिकमधून २४ शिवशाही, १७ लालपरी, मालेगाव (३), सटाणा (१), सिन्नर (१५), नांदगाव (३), इगतपुरी (१०), लासलगाव (१५), येवला (११) आणि पिंपळगाव (८) या डेपोंमधून १०२ बसेस धावल्या.

हेही वाचा: साथीच्या काळात Immunity वाढविण्यासाठी लाईफस्टाईलमध्ये करा हे बदल

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top