नाशिक रेल्वेस्थानकावर ‘आओ जाओ घर तुम्हारा’; प्रवाशांच्या तपासणीला ब्रेक | Sakal
sakal

बोलून बातमी शोधा

Nashik Road Railway station

नाशिक रेल्वेस्थानकावर ‘आओ जाओ घर तुम्हारा’

नाशिक रोड : नाशिक शहरात सध्या ओमिक्रोन (Omicron) आणि कोरोना (Corona) रुग्ण संख्या वाढत आहे. अशातच परराज्यातून येणाऱ्या प्रवाशांची रेल्वेस्थानकावर तपासणी न करताच शेकडोंच्या संख्येने प्रवासी रेल्वे स्थानकाच्या बाहेर पडत आहेत. रेल्वे स्थानकाबाहेर व आत जाण्यासाठी सध्या दोन मार्ग असल्यामुळे दुसऱ्या मार्गाने परराज्यातून येणारे प्रवासी नाशिक शहरात प्रवेश करत आहेत. यामुळे रेल्वे स्थानकावर ‘आओ जाओ घर तुम्हारा’, अशी परिस्थिती निर्माण झाली आहे.

प्रशासनाचे गंभीर गोष्टीकडे सर्रास दुर्लक्ष

सध्या राज्यातल्या राज्यात तपासणी बंधनकारक केलेली नसली तरी परराज्यातून येणाऱ्या प्रवाशांची तपासणी करणे रेल्वेस्थानकावर बंधनकारक आहेत. सध्या रेल्वे स्थानकाबाहेर व आत जाण्यासाठी दोन गेट केले आहे. याआधी केवळ एकाच गेटने एन्ट्री व एक्झिट होती. मात्र, रेल्वे सल्लागार समितीच्या सदस्यांसह काही लोकप्रतिनिधींनी दुसरे गेट खोलण्याची विनंती स्टेशन मास्तर आर. के. कुठार यांना केली. त्याप्रमाणे कुठार यांनी गेट उघडले. मात्र, आता या दुसऱ्या गेटने परराज्यातील शेकडो प्रवासी रोज विनातपासणी रेल्वे स्टेशन बाहेर येत आहे. या गंभीर गोष्टीचे महापालिकेला अजिबात गांभीर्य नाही. महापालिकेच्या कर्मचाऱ्यांची संख्या आधीच कमी आहे. त्यात दुसऱ्या मार्गे हजारोंच्या संख्येने प्रवासी रेल्वे स्थानकाबाहेर विनातपासणी येत आहे. यातून मोठ्या प्रमाणावर आजार फोफावण्याची भीती निर्माण झालेली आहे.

हेही वाचा: विनामास्क प्रवाशांवर रेल्वेची तीव्र कारवाई

''नाशिक रोड रेल्वे स्थानकाच्या दोन्ही गेटवर महापालिकेने तपासणी पथके नेमायला हवी. प्रवाशांना लांबून वळसा घालून जावे लागत होते. यामुळे दुसरे गेट खोलणे आवश्यक होते.'' - राजेश फोकणे, रेल्वे सल्लागार समिती

''लोकप्रतिनिधी व रेल्वे सल्लागार समितीच्या लोकांनी विनंती केल्यानुसार दुसरे गेट करण्यात आले आहे. मात्र, या गेटमधून अनेक विनातिकीट प्रवासी व विनातपासणी न करताच प्रवासी बाहेर पडत आहे. प्रशासनाने यावर तोडगा काढायला हवा.'' - आर. के. कुठार, स्टेशन मास्तर

हेही वाचा: नाशिक : लस घ्या; पण पॅरासिटामॉल मिळणार नाही

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top