Nashik Municipal Election : नाशिकमध्ये महायुतीत बिघाडी? शिवसेनेला अवघ्या २५ जागांचा प्रस्ताव; जागावाटपावरून रस्सीखेच सुरू

नाशिक: महापालिका निवडणुकीसाठी भाजप व शिवसेनेची युती करण्याच्या सूचना राज्य पातळीवरून आहे. परंतु स्थानिक पातळीवर मात्र जागांवरून पेच निर्माण झाला आहे. शिवसेनेला अवघ्या २५ जागा देऊ केल्याने हा पेच निर्माण झाला असून, शिवसेनेने ५० जागांची मागणी केली आहे. मात्र या संदर्भात बोलू, बघू, विचार करू असे उत्तर देऊन भाजपच्या नेत्यांनी वेळ पुढे ढकलली आहे.