Nashik Railway Station : रेल्वेचे नियम मोडणाऱ्या प्रवाशांना 3 लाखांचा दंड

Nashik News : सध्या सुट्टीचे दिवस असल्यामुळे रेल्वेत प्रवाशांची गर्दी वाढली आहे. अशातच भुसावळ, मनमाड आणि नाशिक रोडला आरपीएफ रेल्वे अधिकारी व रेल्वे पोलिस यांच्या संयुक्त विद्यमाने रेल्वेचे नियम, कायदे मोडणाऱ्यांना कडक शासन करत २ लाख ९५ हजाराचा दंड वसूल करण्यात आला. (3 lakh fine for passengers who violate railway rules)

गाड्यांमध्ये उन्हाळ्यात होणारी गर्दी लक्षात घेता मध्य रेल्वेवर १०६ उन्हाळी गाड्या धावत आहेत. भुसावळ मंडळात मेल एसएस वाहनांमध्ये आरपीएफ आणि वाणिज्य विभाग यांनी संयुक्त टीमद्वारा भुसावळ, मनमाड, नाशिक रोड रेल्वे स्थानकांनी एक संयुक्त पथक तयार केले. आरपीएफचे ५२ अधिकारी आणि कर्मचाऱ्यांनी निरीक्षण केले. (latest marathi news)

वाणिज्य विभागाचे (वाणिज्य निरीक्षक आणि टीटीई) ४८ कर्मचारी या अभियानात ४८७ तिकीट न घेतलेले आणि ३२ प्रवाशांना स्टेशनमध्ये अस्वच्छता करताना दंड केला. ६ प्रवाशांना स्टेशन परिसरात धूम्रपान करताना दंड केला.