Nashik News : महिनाभरात 502 नळजोडण्या खंडित

Nashik News : आर्थिक वर्षे पूर्ण होत असताना थकीत पाणीपट्टी वसुलीसाठी कर विभागाकडून नळजोडणी खंडित करण्याची मोहीम हाती घेण्यात आली आहे. एका महिन्यात ५०२ थकबाकीदारांच्या नळजोडण्या खंडित करण्यात आल्या असून, थकबाकी न भरता तोडलेले नळ जोडल्यास फौजदारी गुन्हा दाखल केला जाणार आहे. शहरात घरपट्टी वसुलीची मोहीम जोरदार सुरू आहे. (Nashik 502 taps broken in month by nmc marathi news)

परंतु दुसरीकडे पाणीपट्टी वसुली असमाधानकारक आहे. त्यामुळे पाणीपुरवठा व विविध कर विभागाने थकीत पाणीपट्टीधारकांविरोधात मोहीम हाती घेतली आहे. शहरात २ लाख ९ हजार नळजोडणी आहे. त्यातील ४४ हजार ३८५ नळजोडणीधारकांकडे ९५.७५ कोटी रुपये थकबाकी आहे. त्यामुळे थकबाकीदारांविरोधात महापालिकेने २२ फेब्रुवारीपासून कारवाई सुरू केली आहे.

थकबाकी असलेल्या नळजोडणी खंडित केली जात आहे. महिनाभरात ५०२ थकबाकीदारांच्या नळजोडण्या खंडित करण्यात आल्या. थकबाकी अदा केल्यानंतर जोडण्या पूर्ववत केल्या जाणार आहेत. थकबाकी अदा न करता परस्पर नळजोडणी केल्यास संबंधितांवर फौजदारी गुन्हा दाखल केला जाणार आहे. (latest marathi news)

विभागनिहाय कारवाई

विभाग खंडित नळजोडणी

सिडको २००

सातपूर ११६

नाशिक रोड ९३

पंचवटी ८१

पूर्व ०६

पश्चिम ०६

''थकीत पाणीपट्टी वसुल करण्यासाठी मोहीम राबविली जात आहे. त्याअंतर्गत ५०२ थकबाकीदारांच्या नळजोडण्या खंडित करण्यात आल्या.''- संजय अग्रवाल, अधीक्षक अभियंता, पाणीपुरवठा.