Nashik Accident News : भरधाव कारने पादचारी महिलेला चिरडले! बारदान फाट्यावरील घटना

Nashik News : गंगापूर पोलिस ठाण्याच्या हद्दीतील बारदान फाटा येथे भरधाव कारने दिलेल्या धडकेत पादचारी महिला चिरडली जाऊन ठार झाल्याची घटना घडली आहे.
Nashik Accident News
Nashik Accident Newsesakal

Nashik News : आयुक्तालय हद्दीमध्ये भरधाव वाहनांची पादचारी, दुचाकीस्वारांना धडक देत अपघातांचे सत्र सुरूच आहेत. गंगापूर पोलिस ठाण्याच्या हद्दीतील बारदान फाटा येथे भरधाव कारने दिलेल्या धडकेत पादचारी महिला चिरडली जाऊन ठार झाल्याची घटना घडली आहे. याप्रकरणी पोलिसांनी संशयित कारचालकाला ताब्यात घेतले आहे. (woman was crushed to death by speeding car in Bardan Phata)

वैशाली ऊर्फ अर्चना किशोर शिंदे (३१, रा. हनुमान नगर, मोतीवाला कॉलेजसमोर, गंगापूर शिवार) असे ठार झालेल्या महिलेचे नाव आहे. देवचंद तिदमे (रा. नाशिक) असे ताब्यात घेण्यात आलेल्या संशयित कारचालकाचे नाव आहे.

गंगापूर पोलिसांनी दिलेल्या माहितीनुसार, मंगळवारी (ता. ९) सायंकाळी साडेसहा-सातच्या सुमारास मारुती अल्टो कारने (एमएच- ०३- बीई- ६६३४) पादचारी महिला शिंदे यांना जोरदार धडक देत चिरडले. (latest marathi news)

Nashik Accident News
Accident News : बिडकिन रोडवर दोन दुचाकींचा समोरासमोर अपघात; एक ठार, चार जण जखमी

या महिलेच्या डोक्याला गंभीर दुखापत झाल्याने मोठ्या प्रमाणात रक्तस्राव झाला. उपचारासाठी रुग्णालयात नेण्यापूर्वीच त्यांचा मृत्यू झाला. घटनेची माहिती मिळताच, गंगापूर पोलिसांनी घटनास्थळी धाव घेतली.

वरिष्ठ पोलिस निरीक्षक तृप्ती सोनवणे यांनी परिसरातील सीसीटीव्ही तपासून संशयित कारच्या क्रमांकावरून संशयिताचा शोध घेण्यात आला असता त्यावेळी तो पसार होण्याच्या बेतात असतानाच पोलिसांनी त्यास ताब्यात घेतले. याप्रकरणी गंगापूर पोलिसात रात्री उशिरापर्यंत गुन्हा दाखल करण्याचे काम सुरू होते.

Nashik Accident News
Nagpur Accident : मंगळवार ठरला घातवार, ५ अपघातात ६ ठार

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com