नाशिक : लाच स्वीकारताना जिल्हा परिषद बांधकाम विभागातील उपअभियंता व शाखा अभियंत्यास लाचलुचपत प्रतिबंधक विभागाने (Nashik Bribery Case) अटक केली. ही कारवाई सोमवारी (ता. ३०) सायंकाळी करण्यात आली..भद्रकाली पोलिस ठाण्याच्या (Bhadrakali Police Station) हद्दीत ही कारवाई पार पडली. उपअभियंता विठ्ठल बाळाजी पठाडे (वय ५६) व शाखा अभियंता कृष्णकांत देवरे (२८) अशी अटक करण्यात आलेल्या अधिकाऱ्यांची नावे आहेत..तक्रारदाराच्या कामाशी संबंधित बिलाच्या प्रक्रियेसाठी आरोपींनी लाचेची मागणी केली होती. यामध्ये पठाण यांनी तीन लाख रुपये, तर देवे यांनी दोन लाख ६९ हजार रुपयांची मागणी केल्याचे समोर आले..MLA Vijay Shivtare : बापासाठी काळजाचा तुकडा सरसावला! आमदार शिवतारेंना लेकीने दान केली किडनी; बाप-लेकीच्या नात्याला महाराष्ट्र करतोय 'सलाम'.तडजोडीनंतर देवरे यांनी लाच स्वीकारण्यास मान्यता दिली. लाचलुचपत प्रतिबंधक विभागाने सापळा रचून पठाडे यांना तीन लाख रुपये स्वीकारताना पकडले. तसेच देवरे यांच्याविरोधातही गुन्हा दाखल करण्यात आला असून, ते फरारी असल्याची माहिती आहे..या प्रकरणी भद्रकाली पोलिस ठाण्यात गुन्हा दाखल करण्याची प्रक्रिया सुरू आहे. कारवाई पोलिस निरीक्षक अमोल वालझाडे यांच्या मार्गदर्शनाखाली करण्यात आली. जिल्हा जलसंधारण अधिकारी वैशाली ठाकरे यांना १८ मार्चला लाचलुचपत प्रतिबंधक विभागाने ताब्यात घेतले. त्यांना अद्याप जामीन मंजूर झालेला नसल्याने त्यांचा मुक्काम कारागृहातच आहे. या घटनेला दोन आठवडे होण्याअगोदरच बांधकाम विभागात दुसरी घटना घडली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
