Nashik Crime News : ATM फोडण्याचा प्रयत्न असफल; सिक्युरिटी गार्डला मारहाण

सिन्नर : सिन्नर-शिर्डी लगत असलेल्या मुसळगाव एमआयडीसी येथील सारस्वत बँकेचे एटीएम बुधवारी पहाटे फोडण्याचा प्रयत्न केला. ही घटना सीसीटीव्ही मध्ये कैद झाली असून पहाटे चार वाजेच्या दरम्यान चोरट्यांनी मशीन फोडण्याचा प्रयत्न करून येथील सिक्युरिटी गार्डला मारहाण करण्यात आली आहे. चोरट्यांना रोकडचा कॅशवार्ड खोलण्यात अपयश आल्याने रक्कम वाचली. मात्र, चोरट्यांनी एटीएम मशीनचे नुकसान केले आहे. (Nashik Crime Attempt to break ATM failed security guard beaten up marathi news)

बुधवारी पहाटे साडेचार वाजेच्या दरम्यान अज्ञात चौघा चोरट्यांनी एटीएम मध्ये प्रवेश करत सुरक्षारक्षकास मारहाण करून त्याचा मोबाईल हिसकावून घेतला व एटीएम मशीन बाहेर ओढून काढली. चोरट्यांनी एटीएमची तोडफोड केली परंतू मशीनचा कॅशवार्ड उघडता न आल्याने त्यांना त्यातील रक्कम लांबविता आली नाही. सुरक्षारक्षकाने सकाळी सहा वाजता याबाबत एमआयडीसी पोलिसांना माहिती दिली. (latest marathi news)

घटनास्थळी एमआयडीसी पोलिस ठाण्याचे पोलीस निरीक्षक यशवंत बाविस्कर, भगवान शिंदे, रोहित सानप, नवनाथ चकोर यांनी घटनास्थळाची पाहणी केली. पुढील तपास एमआयडीसी पोलिस करत आहे. सीसीटीव्ही मध्ये सर्व दृश्य काहीच पुढील तपासासाठी पोलीस रवाना. एमआयडीसी परिसरात सारस्वत बँकेचे एटीएम चोरट्यांनी फोडले.

मात्र, लॉकर खोलण्यात अपयश आल्याने त्यामधील रक्कम वाचली. या एटीएममध्ये सीसीटीव्ही कॅमेरे आहे. त्या कॅमेऱ्यामध्ये चौघेजण कैद झाले आहे. यावरून पोलिसांनी सीसीटीव्ही फुटेज तपासणी करण्याला सुरुवात केली आहे. गुन्हा नोंदवण्याचे काम सिन्नर एमआयडीसी पोलिस स्टेशनमध्ये सुरू असून तपासाचे चक्र फिरवण्यात आल्याचे पोलिस निरीक्षक यशवंत बाविस्कर यांनी सांगितले.