सबस्क्राईब करा
- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
मालेगाव : शहरातील संगमेश्वर भागात मौलाना इसहाक चौक कमानीजवळ मागील भांडणाच्या वादातून एका तरुणाचा धारदार शस्त्राने वार करुन खून करण्याचा प्रकार घडला. सोमवारी (ता. १५) मध्यरात्री हा प्रकार घडला. या खुनाच्या प्रकरणातील वादाला अवैध दारु विक्री व्यवसायाची किनार असल्याचे समजते. पोलिसांनी खून प्रकरणी मुख्य संशयित असलेल्या २८ वर्षीय तरुणास अवघ्या तीन तासांतच अटक केली आहे. (Nashik Crime Youth killed in Sangameshwar area Main suspect arrested marathi news)
याबाबतची माहिती अशी रफिक अन्वर खान (रा. संगमेश्वर) हा त्याचे दोन मित्रांसोबत मौलाना इसाक चौक कमानीच्या बाजुला उभा होता. त्याचवेळी तेथे त्याचा मित्र रफिक अमीन शहा उर्फ लंबा रफिक व त्याचा जोडीदार (नाव समजू शकले नाही) तेथे आले. दोघांना मागील भांडणाची कुरापत काढून रफिक खान यास शिवीगाळ केली.
दोघा संशयतींनी त्याच्यावर धारदार हत्याराने डोक्यावर, हातावर व मांडीवर वार केले. यात रफीक जागीच ठार झाला. या प्रकरणी छावणी पोलीस ठाण्यात खुनाचा गुन्हा दाखल करण्यात आला. खुनानंतर दोघे संशयित फरार झाले.
या घटनेचे गांभीर्य ओळखून जिल्हा पोलीस अधीक्षक विक्रम देशमाने, अपर पोलीस अधिक्षक अनिकेत भारती, सहाय्यक अधिक्षक तेघबीरसिंग संधु, सुरज गुंजाळ यांनी यातील संशयितांना तातडीने अटक करण्यासाठी छावणी पोलीस व स्थानिक गुन्हे शाखेच्या पथकास आदेश दिले. (latest marathi news)
यानंतर छावणी पोलिसांसह स्थानिक गुन्हे शाखेच्या पथकाने समांतर तपास सुरु केला. पथकाला गुप्त बातमीदारामार्फत मुख्य संशयित रफिक शहा उर्फ लंबा हा मनमाडच्या दिशेने दुचाकीवर जात असल्याची माहिती मिळाली. यानंतर गुन्हे शाखेच्या पथकातील पोलीस निरीक्षक राजु सुर्वे, उपनिरीक्षक संदिप पाटील, हवालदार चेतन संवत्सरकर, पोलिस नाईक शरद मोगल, योगेश कोळी, विशाल आव्हाड, हेमंत गिलबिले, प्रदिप बहिरम, सुभाष चोपडा, दत्ता माळी यांच्या पथकाने सापळा रचून मनमाड येथील रेल्वेस्टेशन परिसरातून खुन प्रकरणातील मुख्य संशयित रफिक शहा उर्फ लम्बा रफिक (वय २८, रा. संगमेश्वर) यास ताब्यात घेतले.
गुन्ह्यात वापरलेली होण्डा युनिकॉर्न मोटरसायकल देखील हस्तगत केली आहे. पोलिसांनी त्यास विश्वासात घेवून विचारपुस केली असता त्याने त्याचा साथीदार फैसल (पुर्ण नाव माहित नाही) याच्यासह खून केल्याची कबुली दिली. पोलिसांनी त्याला अटक केली असून अन्य एका संशयिताचा शोध सुरु आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
