नाशिक- जिल्ह्यातील शेतकऱ्यांची अर्थवाहिनी असलेल्या नाशिक जिल्हा मध्यवर्ती सहकारी बँकेने नवीन कर्ज सामोपचार योजना (ओटीएस) आणली. त्यासाठी येत्या ४ जुलैला महाकवी कालिदास कलामंदिरात दुपारी एकला बॅंकेची वार्षिक सर्वसाधारण सभा होत आहे. या योजनेला सरकारची संमती असून, थकीत कर्जवसुलीसाठी योजनेविषयी माहिती दिली जाईल. यामुळे बड्या थकबाकीदारांकडूनही वसुलीचा मार्ग मोकळा होणार आहे.