Nashik Division Teachers Constituency Election : नाशिक विभाग शिक्षक मतदारसंघ निवडणूकीच्या मतदानाच्या वेळेत बदल

नाशिक : महाराष्ट्र विधानपरिषदेच्या शिक्षक आणि पदवीधर मतदारसंघाची निवडणूक जाहीर झाली आहे. मुंबई पदवीधर, कोकण विभाग पदवीधर, नाशिक विभाग शिक्षक आणि मुंबई शिक्षक मतदारसंघ अशा चार जागांसाठी निवडणूक होणार आहे. यासाठी 26 जून रोजी मतदान होणार असल्याचे केंद्रीय निवडणूक आयोगाने घोषित केले आहे. यापैकी नाशिक विभाग शिक्षक मतदारसंघाच्या निवडणूकीच्या मतदानाच्या वेळेत बदल करण्यात आला आहे. (Teachers Constituency Election Change in voting time)

नाशिक विभाग शिक्षक मतदार संघ निवडणूकीच्या मतदानाची वेळ ही आधी सकाळी 8 ते दु 4 वाजेपर्यंत ठेवण्यात आली होती. परंतू ह्या वेळेत बदल करण्यात आला आहे. मतदानाची सुधारित वेळ सकाळी 7.00 ते सायंकाळी 6.00 वाजेपर्यंतची निश्चित करण्यात आली आहे, असे नाशिक विभाग शिक्षक मतदारसंघाचे निवडणूक निर्णय अधिकारी तथा विभागीय आयुक्त डॉ. प्रवीण गेडाम यांनी कळविले आहे. (latest marathi news)