Nashik Dr. Rathi Attack : नाशिक जिल्हा बंदची आज हाक; इतिहासात सर्वात गंभीर हल्ला

सुर्दशन सारडा : सकाळ वृत्तसेवा

Nashik Dr. Rathi Attack : डॉ. राठी यांना उपचारार्थ दाखल केल्यानंतर जमलेल्या डॉक्टरांनी अपोलो हॉस्पिटल येथे निषेध सभा घेत शनिवारी (ता.२४) नाशिक जिल्हा बंदची हाक दिली. नाशिक व जिल्ह्यातील सर्व डॉक्टरांनी हॉस्पिटल येथे दाखल होत मीटिंग कॉलमध्ये घडलेल्या हल्ल्याची गंभीर नोंद घेण्यात आली असून शनिवारी पोलिस आयुक्तांना सर्व डॉक्टर निवेदन देत हल्लेखोरांना कठोर कारवाईची मागणी केली जाईल. (Nashik Dr Rathi Attack marathi news)

यावेळी सर्व डॉक्टरांच्या सर्व संघटनांचे प्रमुख पदाधिकारी पदाधिकारी उपस्थित होते. डॉ. सचिन देवरे, डॉ. सुधीर संकलेचा, डॉ सचिन पाटील यांनी निषेध सभेत मनोगत व्यक्त करताना हा हल्ला आतापर्यंत सर्वात मोठा हल्ला असल्याचे सांगत याची गंभीर नोंद पोलिसांनी घेऊन डॉक्टरांना सुरक्षितता द्यावी, असे सांगत शनिवारी आयएमए हॉल येथील जिल्हाधिकारी व पोलिस आयुक्त कार्यालयात मोर्चा नेऊन निवेदन देण्यात येणार आहे.

यावेळी मेडिकल असोसिएशनचे अध्यक्ष, डॉ. संजय वेखंडे, डॉ. विश्वनाथ पाटील, डॉ. विशाल जाधव, डॉ. राहुल शिंदे, डॉ. कैलास अपसुंदे, डॉ. रवींद्र मुळक, डॉ. रवींद्र चव्हाण, डॉ. मृगराज मुर्तडक, डॉ. प्रशांत भुतडा, डॉ. विशाल घोलप, डॉ. रमाकांत पाटील आदींसह मोठ्या संख्येने डॉक्टर उपस्थित होते. माहेश्वरी समाजाच्या वतीने शनिवारी माहेश्र्वरी विद्यार्थी भवन येथून मोर्चा काढण्यात येणार आहे. (latest marathi news)