Nashik Educational News : राज्यात 4 ते 6 एप्रिलदरम्यान होणार संकलित मूल्यमापन चाचणी! वेळापत्रक जाहीर

इगतपुरी : राज्यातील शिक्षण पद्धतीचे अध्यापन, अध्ययन आणि परिणामांचे बळकटीकरण (स्टार्स) कार्यक्रमांतर्गत सर्व शासकीय व स्थानिक स्वराज्य संस्थांबरोबरच खासगी अनुदानित शाळांमधील विद्यार्थ्यांची अध्ययन निष्पत्ती निश्चितीसाठी संकलित मूल्यमापन चाचणी घेण्याचे वेळापत्रक जाहीर झाले आहे. त्यानुसार येत्या ४ ते ६ एप्रिलदरम्यान तिसरी ते आठवीच्या विद्यार्थ्यांची भाषा, गणित व इंग्रजी या विषयांची संकलित मूल्यमापन चाचणी होणार आहे. (Nashik Evaluation held in state from April 4 to 6 marathi news)

प्रश्नपत्रिका, शैक्षणिक साहित्याचा होणार पुरवठा

एससीईआरटीच्या संचालकांच्या प्रस्तावानुसार राज्यातील खासगी अनुदानित शाळांमधील तिसरी ते आठवीच्या सर्व विद्यार्थ्यांना संकलित मूल्यमापन चाचणीच्या प्रश्नपत्रिकांचा पुरवठा होणार आहे.

"शालेय पातळीवरील विद्यार्थ्यांची अध्ययन निष्पत्ती निश्चितीसाठी संकलित मूल्यमापन चाचणी चांगला उपक्रम आहे. या माध्यमातून विद्यार्थी प्रगतीत येणाऱ्या समस्या समजण्यास मदत मिळते. विद्यार्थीस्तर निश्चितीस शिक्षकांना योग्य संधी मिळते."

-डॉ. नितीन बच्छाव, शिक्षणाधिकारी (प्राथमिक)

(latest marathi news)

असे आहे संकलित चाचणीचे वेळापत्रक :

तारीख : विषय : इयत्ता

४ एप्रिल : मराठी : तिसरी ते आठवी

५ एप्रिल : गणित : तिसरी ते आठवी

६ एप्रिल : इंग्रजी : तिसरी ते आठवी

वेळ : तिसरी-चौथीसाठी : ९० मिनिटे

पाचवी- सहावीसाठी : ९० मिनिटे

सातवी-आठवीसाठी : १२० मिनिटे

गुण : तिसरी-चौथीसाठी : ३० गुण

पाचवी-सहावीसाठी : ४० गुण

सातवी-आठवीसाठी : ५० गुण

वेळापत्रकानुसार मराठी व गणित विषयासाठी सर्व माध्यमांचा समावेश आहे. इंग्रजी विषयासाठी इंग्रजी माध्यमाच्या शाळा वगळल्या आहेत. गुण आणि वेळ सर्व विषयांसाठी समान आहेत.