Nashik Extortion Crime News : जेलरोड परिसरातील मोरे मळ्यात लोकसभा निवडणुकीचा प्रचार करायचा असेल तर आम्हाला पैसे दयावे लागतील, असा दम देत खंडणीची मागणी करणाऱ्या दोघा सराईत गुन्हेगारांविरोधात नाशिकरोड पोलिसात खंडणीचा गुन्हा दाखल करण्यात आला आहे. याप्रकरणी मुख्य संशयिताला अटक केली असून, पोलिस दुसऱ्या संशयिताचा शोध घेत आहेत. (Nashik Pay money to campaign for elections case of extortion registered news)
निलेश पेखळे (रा. मोरे मळा, जेलरोड), विशाल चाफळकर (रा. पेंढारकर कॉलनी, जेलरोड) अशी संशयितांची नावे असून, पेखळे यास पोलिसांनी अटक केली आहे. शिवसेना शिंदे गटाचे उपमहानगरप्रमुख शिवाजी लहू ताकाटे (रा. ज्ञानेश्वरनगर, जेलरोड) यांच्या फिर्यादीनुसार, ते शनिवारी (ता.२०) जेलरोड परिसरातील कुबेर कॉर्नरमधील शॉपमध्ये होते.
आगामी लोकसभा निवडणुकीच्या अनुषंगाने ते पक्षाने दिलेली जबाबदारी पार पाडण्यासह उमेदवाराचा जेलरोड, मोरे मळा परिसरात प्रचाराचे नियोजन करीत होते. त्यावेळी संशयित पेखळे, चाफळकर तेथे आले. दोघांनी ताकाटे यांच्याशी वाद घालून ‘आमच्या मोरे मळा भागात लोकसभा निवडणूक प्रचार करायचा असेल तर, एकवीस हजार रुपये रोख खंडणी द्यावी लागेल’ असा दम दिला.
यानंतरही दोघांनी त्यांच्याकडील धारदार शस्त्रे दाखवून ताकाटे यांना शिवीगाळ केली. या घटनेनंतर ताकाटे यांनी नाशिकरोड पोलीसात तक्रार दिली. यासंदर्भात गुन्हा दाखल होत असतानाच, नाशिकरोड पोलीसांनी संशयित पेखळे यास ताब्यात घेत अटक केली. तर, त्याच्या फरार साथीदाराचा शोध सुरु आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.