नाशिक- वनविभागातील पूर्व, पश्चिम क्षेत्रात सोमवारी (ता.१२) बुद्धपौर्णिमाच्या निमित्ताने वन्यप्राण्यांची गणना केली जाणार आहे. यासाठी नाशिक वनविभागाकडून आवश्यक ती सर्व तयारी करण्यात आली आहे. .बुद्धपोर्णिमानिमित्त सर्व रेंजमध्ये प्राण्यांच्यासाठी केलेल्या पिण्याच्या पाण्याच्या ठिकाणी ही गणना केली जाणार आहे. यासाठी ट्रॅप कॅमेरा व काही ठिकाणी प्रत्यक्ष मोजणी केली जाणार आहे. बुद्ध पौर्णिमेच्या रात्री भारतातील बहुतांश अभयारण्यात वन्यप्राण्यांची गणना केली जाते. वनविभाग, कर्मचारी आणि वन्यप्रेमी यामध्ये सक्रीय सहभाग घेतात. अचूक निरीक्षणासाठी पौर्णिमेची रात्र ही सर्वाधिक प्रकाशमान असते. त्यामुळे पाणवठ्यावर प्राणी पाणी पिण्यासाठी हमखास येतात. चोवीस तासामध्ये त्यांची गणना या दिवशी केली जाणार आहे..मानवी हस्तक्षेपामुळे प्राण्यांच्या संख्येवर कोणता परिणाम झाला आहे काय? या प्रगनेतून कोणत्या प्राण्यांची संख्या कमी होत आहे? अशा अनेक प्रश्नांची उत्तरे जाणून घेण्यासाठी या दिवशी वन्यप्राण्यांची गणना केली जाते. सोमवारी दुपारी चार ते दुसऱ्या दिवशी सकाळी दहा वाजेपर्यंत, प्राणी निरीक्षण केले जाणार आहे. .या गणनेत प्राण्याचा प्रकार, वेळ, लिंग, वय, अशी माहिती टिपली जाते. काही वेळा प्राण्यांचे ठसे व विष्ठा जमा करुन माहिती जमा केली जाते. सर्वसामान्य नागरिक आणि विद्यार्थी यांना वन्यजीवांविषयी माहिती मिळावी त्यांना जंगल पर्यावरण व जैवविविधतेचे महत्त्व समजावे हा प्रमुख उद्देश या निरीक्षणाचा आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
