Nashik News : शासकीय अंधशाळेत प्रवेश प्रक्रिया सुरू

Nashik News : शासकीय अंधशाळा येथे २०२३-२४ या शैक्षणिक वर्षाकरिता अंध विद्यार्थ्यांच्या प्रवेश प्रक्रियेस सुरवात झाली आहे, अशी माहिती नाशिक शासकीय अंधशाळेच्या प्रभारी अधीक्षक प्रभाकर घाटे यांनी प्रसिद्धीपत्रकान्वये दिली आहे. शासकीय अंधशाळेत प्रवेशासाठी विद्यार्थ्यांचा वयोगट ६ ते १४ वर्षे असा असून विद्यार्थी फक्त अंध प्रवर्गातील असावा.

प्रवेशासाठी जिल्हा शल्य चिकित्सक यांच्याकडील विद्यार्थ्यांचे अंधत्व प्रमाणित वैद्यकीय दाखला असणे आवश्यक आहे. प्रवेशित विद्यार्थ्यांना शासनामार्फत निवा़स, भोजन व इतर शैक्षणिक सोयी-सुविधा मोफत पुरविल्या जातात. शाळा प्रवेशासाठी विहित नमुन्यातील अर्ज अधीक्षक, शासकीय अंधशाळा.

नाशिक, डॉ.बाबासाहेब आंबेडकर सामाजिक न्याय भवन आवार, नासर्डी पुलाजवळ, नाशिक- पुणे रोड कार्यालयात सुट्टीचे दिवस वगळून सकाळी ९.४५ ते सायंकाळी ६.१५ या वेळेत उपलब्ध होणार आहेत. (latest marathi news)

अधिक माहितीसाठी ०२५३-२२३७५६८ या दूरध्वनीवर अथवा अधीक्षक प्रभाकर घाटे भ्रमणध्वनी क्रमांक ९५१८७९४८१३, कलाशिक्षक एस. ए. पाळदे, कनिष्ठ लिपिक भ्रमणध्वनी क्रमांक ९६२३७८०७२५ यावर संपर्क साधावा.