Nashik News : इमारतीवरुन उडी मारत घोटीत परिचारिकेने उचलले टोकाचे पाऊल

Nashik News : शहरातील भंडारदरा रोड येथील एका खासगी इमारतीमध्ये भाडेकरू असलेल्या चित्रा मानकु भांगरे ( वय २१, रा. पिंपळवाडी, ता. अकोले, जि.नगर) हिने सोमवारी (ता.१८) दुपारी तीनला इमारतीवरून उडी घेत आत्महत्या केली. याप्रकरणी घोटी पोलिस ठाण्यात आकस्मिक मृत्यूची नोंद करण्यात आली असून या घटनेने शहरात खळबळ उडाली असून आत्महत्येचे कारण मात्र समजू शकलेले नाही. (Nashik Jumping from building nurse took extreme step)

मृत चित्रा भांगरे ही शहरातील पवन रुग्णालयामध्ये मागील तीन महिन्यापासून परिचारिका म्हणून काम करीत होती.

ती राहत असलेल्या इमारतीमध्ये एकाच ठिकाणी भाडेकरू म्हणून पाच ते सहा मुली राहात होत्या. सोमवारी दुपारी बाराला चित्रा हिने इमारतीवरुन उडी मारत आत्महत्या केली.

घटनेची माहिती मिळताच घोटी पोलीस स्टेशनचे पोलिस निरीक्षक विनोद पाटील व त्यांच्या पथकाने घटनास्थळी दाखल होत चित्रा हिस ग्रामीण रुग्णालयामध्ये दाखल केले. डॉक्टरांनी तिच तपासून मयत घोषित केले.