NMC Commissioner Transfer : नाशिक महानगरपालिका आयुक्त डॉ. चंद्रकांत पुलकुंडवार यांची बदली

NMC Commissioner Transfer : सध्या नाशिक मध्ये अधिकाऱ्यांच्या बदल्यांचे वारे वाहू लागले आहेत. तसेच अनेक विभागांच्या अधिकाऱ्यांच्या बदल्या होत आहेत. त्यातच नाशिक महानगरपालिकेचे आयुक्त डॉ. चंद्रकांत पुलकुंडवार यांची आज बदली करण्यात आली आहे. (Nashik Municipal Commissioner Dr Chandrakant Pulkundwar transfer news)

हेही वाचा : Credit Card फसवणूक....काय घ्याल काळजी?

नितीन गद्रे, अपर मुख्य सचिव (सेवा) यांच्याकडून सदर शासनाचा आदेश जाहिर करण्यात आला आहे. शासनाने नाशिक महानगरपालिका आयुक्त डॉ. चंद्रकांत पुलकुंडवार यांची बदली केली असून त्यांची नियुक्ती आयुक्त, साखर, पुणे या पदावर ते पद निवड श्रेणीत अवनत करून केली आहे.

सध्याच्या पदाचा त्यांचा कार्यभार नगर विकास विभागाचे प्रधान सचिव यांच्या सल्ल्याने अन्य अधिकाऱ्यांकडे सोपवून नवीन पदाचा कार्यभार त्वरित स्वीकारण्याचे आदेश जारी केले आहेत.

चंद्रकांत पुलकुंडवार यांचा कार्यकाळ पूर्ण होण्याआधीच त्यांची बदली झाल्याने आश्चर्य व्यक्त केले जात आहे. तरी नाशिक महानगरपालिका आयुक्तपदी आता नक्की कुणाची वर्णी लागेल याकडे सर्वांचे लक्ष लागून आहे.