सबस्क्राईब करा
वणी : दिंडोरी तालुक्यात उन्हाचा तडाखा वाढल्याने दुपारी घराबाहेर पडणे कठीण होत आहे. मे महिना तीव्र उन्हाच्या झळांचा राहणार आहे. पण त्याआधीच उष्माघाताचे रुग्ण उपचाराला येउ लागल्याने खबरदारीचा उपाय म्हणून जिल्हा आरोग्य प्रशासन सतर्क झाले असून येथील ग्रामीण रुग्णालयात उष्माघाताच्या रुग्णांसाठी स्वतंत्र व्यवस्था केली आहे. (Nashik Separate room for heat stroke in rural hospital)
दिंडोरी तालुक्यासह वणी परिसरात तापमानात सतत वाढ होत आहे. मार्चपासूनच तालुक्यात उन्हाचे चटके बसायला सुरवात झाली. एप्रिलही उकाड्याचा राहिला. मेमध्ये उन्हाचा तडाखा अधिक वाढण्याची शक्यता असल्याने जिल्हा आरोग्य विभागाच्या सूचनेनुसार वणी ग्रामीण रुग्णालयात स्वतंत्र कक्षाची निर्मिती करीत उष्माघातांच्या रुग्णांसाठी ३ बेड आरक्षीत करण्यात आल्याची माहिती वैद्यकीय अधिक्षक डॉ. बी. एन. मोरे यांनी दिली.
रुग्णावर उपचार
वाढत्या उष्णतेचा परिणाम ज्येष्ठ नागरिक, लहान मुले, मधुमेह रूग्ण, हृदय रोग रुग्णांवर होऊ शकतो. वणी ग्रामीण रुग्णालयात ही लक्षणे आढळलेल्या सुमारे ८ ते १० रुग्णांवर औषधोपचार करून बरे झाल्यावर घरी पाठविण्यात आले. (latest marathi news)
"ज्या रुग्णांना चक्कर येणे, शरीरातील तापमान वाढणे, लघवी कमी होणे, उलटी होणे, भोवळ येणे, जुलाब होणे, जीव गुदमरणे, डोके दुखणे अशा प्रकारची लक्षणे आढळल्यास त्यांनी वणी ग्रामीण रुग्णालयाशी संपर्क साधावा." - डॉ. नेहा सिंघल, वैद्यकीय अधिकारी वणी ग्रा.रुग्णालय
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.