Ganeshotsav 2024 : निसर्गाच्या कुशीतील देवबांधचे सिद्धिविनायक मंदिर! पंचधातूची एकमेव मुर्ती; देवदर्शनासह पर्यटनासाठी होतेय गर्दी

इगतपुरी : इगतपुरी तालुक्यासह नाशिक आणि पालघर जिल्ह्याच्या सीमेवर असणाऱ्या व जव्हारपासून ४५, नाशिकपासून इगतपुरीमार्गे ६५ किलोमीटरवर निसर्गाच्या कुशीत वसलेला देवबांध येथील गणेश मंदिराचा निसर्गरम्य परिसर सध्या पर्यटकांनी फुलला आहे.

मोखाडा तालुक्यातील देवबांध हे अतिशय दुर्गम व डोंगराळ भागात वसलेले गणरायाचे स्थान आहे. सह्याद्री आदिवासी बहुविध सेवा संघाने श्री सुंदरनारायण गणेश संस्कार केंद्राची स्थापना केली आहे. १९८६ मध्ये श्रीगणेश मंदिर बांधण्यात आले आहे. (Siddhivinayak Temple of Deobandh)