Nashik News : अनेक दिवसांपासून इंदिरानगर येथील वीजप्रश्न आणि वडाळा येथील कथित भंगार गुदामांमध्ये वीजचोरी होत असल्याच्या आरोपांनी घेरल्या गेलेल्या वीज कंपनीने मंगळवारी (ता. ९) ॲक्शन मोडमध्ये येत सात तास वडाळा परिसरातील सुमारे २०० घरे, भंगार बाजारातील दुकाने आणि गुदामांची धडक तपासणी मोहीम राबवली. (Nashik Electricity Theft)
साधारण २४ ते २६ ठिकाणी लाखोंची वीजचोरी पकडण्यात वीज कंपनीला यश आल्याचा प्राथमिक अंदाज वर्तविण्यात आला आहे. कारवाईदरम्यान मोठ्या प्रमाणात अनधिकृत वायर आणि वीज चोरीसाठी वापरले जाणारे इतर साहित्यदेखील जप्त करण्यात आले आहे. सायंकाळी उशिरापर्यंत या सर्व कारवाईचा गोषवारा तयार करण्यात येत होता.
सकाळी १० वाजता अधीक्षक अभियंता ज्ञानदेव पडळकर यांच्या मार्गदर्शनाखाली द्वारका विभाग क्रमांक दोनचे कार्यकारी अभियंता राजेंद्र भांबर, द्वारकाचे अतिरिक्त कार्यकारी अभियंता एन. एम. सोनवणे, सहाय्यक अभियंता मंगेश सोनगिरे, मनोज कातकाडे, विशाल निंबाळकर, सतीश मेहर, हेमंत भिरूड, ऋतुजा दहिभाते, प्रदीप वट्टमवार, नितीन पाटील, नितीन पगारे.
योगेश्वर पाटील, महाजन या अधिकाऱ्यांसह ३२ जणांच्या मिळून सहा टीम करण्यात आल्या आणि एकाच वेळी सर्व बाजूंनी तपासणीची कारवाई सुरू केली. अचानक सुरू झालेल्या मोहिमेमुळे एकच खळबळ माजली. इंदिरानगरचे वरिष्ठ निरीक्षक यांच्या मार्गदर्शनाखाली पोलिस बंदोबस्त देण्यात आला होता. (latest marathi news)
तपासणी करत असताना अधिकाऱ्यांनी मुख्यतः बसवण्यात आलेले मीटर, रीडिंग, मागील वीजबिल, अतिरिक्त केबल आदी बाबींची तपासणी केली. संशयित ठिकाणी कारवाई करून साहित्य जप्त करण्यात आले. सायंकाळी उशिरापर्यंत एकूण कारवाईचा गोषवारा तयार करण्यात येत होता.
दरम्यान, धडक कारवाईबद्दल नागरिकांनी समाधान व्यक्त केले आहे. सदर भागात महावितरण कंपनीच्या नियमानुसार तपासणी मोहीम राबवली गेली आहे. त्याचा गोषवारा आणि संपूर्ण अहवाल तयार करणे सुरू आहे. तो आल्यानंतर कंपनीच्या नियमानुसार संबंधितांवर कारवाई करण्यात येईल, असे अधिकाऱ्यांनी स्पष्ट केले आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.