Trimbakeshwar pilgrimage road dust problemSakal
नाशिक
Nashik Trimbakeshwar Road : धुळीच्या साम्राज्यात ‘श्रावण यात्रे’चा प्रवास; त्र्यंबकेश्वर रस्त्यावर वाहनचालक त्रस्त
Road Conditions for Trimbakeshwar Shravan Yatra : श्रावण महिन्यात त्र्यंबकेश्वरला येणाऱ्या भाविकांची संख्या मोठी आहे. मात्र, नाशिक-त्र्यंबकेश्वर रस्त्यावरील खड्डे आणि तात्पुरत्या डागडुजीमुळे निर्माण झालेल्या धुळीमुळे भाविक आणि स्थानिकांना प्रचंड त्रास सहन करावा लागत आहे. यामुळे अपघाताची भीती वाढली असून, दृश्यमानता कमी झाल्याने वाहन चालवणे कठीण झाले आहे.
नाशिक: श्रावणाच्या पार्श्वभूमीवर देशभरातून त्र्यंबकेश्वरकडे येणाऱ्या भाविकांची संख्या वाढली असताना नाशिक-त्र्यंबकेश्वर मार्गावरील परिस्थिती मात्र अत्यंत विदारक आहे. गेल्या आठवड्यात झालेल्या मुसळधार पावसामुळे या मार्गावर मोठ्या प्रमाणात खड्डे पडले. प्रशासनाने कच टाकून हे खड्डे बुजविले असले, तरी त्यातून उडणाऱ्या धुळीमुळे संपूर्ण मार्ग ‘धुळीच्या साम्राज्या’त बुडाला आहे.