नाशिक : विधानसभा निवडणुकीत निर्भेळ यश मिळविलेल्या महायुतीच्या स्थानिक नेत्यांना आता जिल्हा परिषद आणि पंचायत समितीच्या निवडणुकांचे वेध लागले आहेत. ओबीसी आरक्षणासंदर्भात सर्वोच्च न्यायालयात दाखल याचिकेबाबत निर्णय झाल्यानंतर निवडणुकांचा मार्ग मोकळा होईल. तत्पूर्वी निवडणूक आयोग जिल्हा परिषद गट व पंचायत समिती गणांची रचना व मतदारयाद्या अद्ययावत करण्याची सूचना देऊ शकतो.