निफाड: जिल्हा बँकेने निफाड साखर कारखाना विक्रीचा डाव आखला असून, जोपर्यंत कामगारांचे ८१ कोटी ९४ लाख रुपये व सभासदांच्या ठेवी मिळत नाहीत, तोपर्यंत हा कारखाना विक्री करू दिला जाणार नाही, असा इशारा कारखाना कार्यस्थळावर झालेल्या बैठकीत देण्यात आला. कारखाना शेतकरी, सभासद व कामगारांच्या कष्टाच्या घामातून उभा राहिलेला आहे, त्याला गिळंकृत होऊ देणार नाही, अन्यथा आम्ही सामूहिक आत्महत्या करू व गेटवरच फाशी घेऊ, असा इशाराही कामगार व सभासदांनी या वेळी दिला.