Nashik : गणेशमूर्ती कारागिरांना महापालिकेकडून नोटीस | Latest Marathi News | Sakal
sakal

बोलून बातमी शोधा

artists making ganesh idol latest marathi news

Nashik : गणेशमूर्ती कारागिरांना महापालिकेकडून नोटीस

जुने नाशिक : गणेशमूर्ती तयार करणाऱ्या कारागिरांना (ganesh idol makers) तसेच कारखानदारांना महापालिकेकडून (NMC) नोटीस बजावण्यात आली आहे. प्लास्टर ऑफ पॅरिसने (POP) प्रदूषण होत असल्याने कुणीही त्यापासून मूर्ती तयार करू नये. अन्यथा कारवाई करण्यात येईल, अशा सूचना देण्यात आल्या. (NMC issues notice to Ganeshmurti artisans Nashik Latest Marathi News)

गणेशोत्सवास ३१ ऑगस्टपासून सुरवात होणार आहे. त्यानिमित्ताने गणेशमूर्ती तयार करणाऱ्या कारखानदारी मोठ्या प्रमाणावर प्लास्टर ऑफ पॅरिसच्या मुर्त्या तयार करून ठेवल्या आहेत. जिल्हाभराच्या कारागिरांकडून सुमारे दहा लाख मूर्ती तयार केल्याचे संघटनेच्या अध्यक्षकडून सांगण्यात आले.

त्यानंतर आता महापालिकेकडून ‘पीओसी’ मूर्ती तयार करू नये. अशा प्रकारच्या मूर्ती आढळल्यास कारवाई करणार असल्याचे सांगण्यात आले आहे. तयार मूर्ती विक्रीस परवानगी मिळणार की नाही, अशी भीती कारखानदार, विक्रेते तसेच कारागिरांकडून व्यक्त केली जात आहे.

असे झाल्यास प्रचंड मोठ्या प्रमाणात नुकसान होणार आहे. या संदर्भात गणेश मूर्ती तयार करणाऱ्या कारखानदार कारागिरांच्या संघटनेतर्फे नागपूर खंडपीठात याचिका दाखल करण्यात आली आहे. न्यायालयाकडून निर्णय आल्यास त्याचे पालन केले जाईल.

तोपर्यंत महापालिकेकडून कुठल्याही प्रकारची कारवाई करण्यात येऊ नये. शिवाय अन्य शहराच्या महापालिकेकडून ३१ ऑगस्ट पर्यंत २०२२ पर्यंत अशा मूर्ती विक्रीस परवानगी देण्यात आली आहे. त्याच धर्तीवर नाशिक महापालिकेनेही परवानगी देण्यात यावी. अशी मागणी करण्यात आली आहे.

हेही वाचा: ‘YCMOU’च्‍या अभ्यासक्रमाची होळी; ‘AISF’तर्फे विद्यापीठ प्रांगणात आंदोलन

"प्लॅस्टर ऑफ पॅरिसमुळे प्रदूषण होत नाही. याचे वैज्ञानिक पुरावे देण्यात आले आहे. तरीदेखील नोटीस बजावण्याचे काम सुरू आहे. नोटीस द्यायचीच होती, तर मुर्त्या तयार होण्यापूर्वी अर्थात दिवाळीनंतर लगेचच दिली असती. त्यामुळे नुकसान टळले असते. न्यायालयाचा निर्णय होत नाही, तोपर्यंत परवानगी देण्यात यावी." - संजय सोनार, अध्यक्ष, गणेशमूर्ती कारागीर संघटना

हेही वाचा: Rain Update : आदिवासी भागासह गंगापूर धरण पाणलोटात मुसळधार

Web Title: Nmc Issues Notice To Ganeshmurti Artisans Nashik Latest Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top