NMC News: ध्वज निधी संकलनात महापालिका प्रथम

नाशिक : महाराष्ट्रातील सैनिकांचे कल्याण व पुनर्वसन, शहीद सैनिक कुटुंबीयांना मदत करण्यासाठी निधी संकलित केला जातो. त्यात नाशिक महापालिकेकडून जिल्ह्यात सर्वाधिक १० लाख ८ हजार रुपये सशस्त्र सेना ध्वजदिनी निधी संकलित केला.

त्याबद्दल जिल्हाधिकारी जलज शर्मा यांच्या हस्ते महापालिका आयुक्त डॉ. अशोक करंजकर यांचा प्रातिनिधीक स्वरूपात सत्कार केला. आयुक्त करंजकर यांचा सन्मान अतिरिक्त आयुक्त प्रदीप चौधरी यांच्या हस्ते करण्यात आला. (NMC News Municipal first in flag fund collection nashik)

महापालिकेच्या लेखा विभागाचे उपलेखापाल रमेश उदावंत व सूर्यभान खोडे यांनी प्रमाणपत्र स्वीकारले. २०२३-२४ च्या ध्वज निधी संकलनाची सुरवात देखील या कार्यक्रमात करण्यात आली.

या निधी संकलनात मुख्य वित्त व लेखा अधिकारी सुरेखा जाधव, उपलेखा अधिकारी गुलाब गावित यांच्या मार्गदर्शनाखाली नाशिक महानगर पालिकेच्या सर्व अधिकारी व कर्मचारी वर्गाचा मोठा सहभाग असल्याचे अतिरिक्त आयुक्त चौधरी यांनी सांगितले.

या वेळी उपायुक्त डॉ. विजयकुमार मुंडे, नितीन नेर, कार्यकारी अभियंता बाजीराव माळी, लेखा विभागातील उपलेखापाल रमेश उदावंत, लेखापाल दत्तात्रेय पुंड, अजय कमोद आदी उपस्थित होते.