जुने नाशिक : भद्रकाली गुन्हे शोध पथकाने नायलॉन मांजा विक्रेत्यांवर कारवाई करून ८ हजाराचा नायलॉन मांजा जप्त केला. याप्रकरणी भद्रकाली पोलिस ठाण्यात गुन्हा दाखल केला आहे. सादिक रहेमतअली अन्सारी (३०, रा. चौक मंडई) असे संशयिताचे नाव आहे. (Nylon manja worth 8 thousand seized Nashik Crime News)
पोलिस कर्मचारी प्रदीप खर्डे यांना कुंभारवाडा परिसरात एक जण बेकायदेशीररीत्या नायलॉन मांजा विक्री करत असल्याची माहिती मिळाली. वरिष्ठ निरीक्षक दत्ता पवार यांच्या मार्गदर्शनाखाली सहाय्यक निरीक्षक श्री. खांडवी, संदीप शेळके, कय्यूम सय्यद, संजय पोटिंदे, नितीन भामरे, श्री.. पाटील यांनी चौक मंडई येथे जाऊन खात्री केली. संशयित अन्सारी नायलॉन मांजाच्या गट्टू बाळगून असल्याचे आढळून आला. पथकाने कारवाई करत त्यास ताब्यात घेतले. त्याच्याकडून विविध प्रकारचे ८ हजार रुपयांचे नॉयलॉन मांजाचे १५ गट्टू हस्तगत केले.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.