नाशिक : विवाहितेशी असलेल्या अनैतिक संबंधातून (Immoral relationship) संशयिताने साथीदाराच्या मदतीने एकाच्या गळ्यावर सुऱ्याने वार (Attack with knife) केल्याची घटना आगर टाकळी परिसरात रविवारी (ता.३) रात्री घडली. गंभीर जखमी युवकावर खासगी रुग्णालयात उपचार सुरू असून उपनगर पोलिसांनी संशयितांना ताब्यात घेतले आहे. संशयित व जखमी परप्रांतिय आहेत. (One stabbed in neck in an immoral relationship Nashik Crime News)
इरफान हुबे शेख (२४, रा. नारायण बापूनगर, उपनगर. मूळ रा. उत्तरप्रदेश) असे जखमी युवकाचे नाव आहे. तर, काळुराम उर्फ कैलास गंगाधर रावत, रामा राया रावत (२५, रा. लोखंडे चाळ, उपनगर. मूळ रा. राजस्थान) असे संशयितांची नावे आहे. उपनगर पोलिसांनी दिलेल्या माहितीनुसार, संशयिताला इरफानचे पत्नीशी अनैतिक संबंध असल्याच्या संशय होता. रविवारी (ता.३) रात्री आठ वाजेच्या सुमारास संशयित व साथीदाराने आगरटाकळी येथील उसाच्या शेतीजवळ इरफान याच्या गळ्यावर सुऱ्याने वार करून गंभीर जखमी केले आणि संशयित पसार झाले. आसपासच्या नागरिकांनी त्यास जिल्हा रुग्णालयात दाखल केले. त्यानंतर त्यास आडगाव येथील वैद्यकीय महाविद्यालयात हलविण्यात आले आहे.
घटनेची माहिती मिळताच पोलीस उपायुक्त विजय खरात, सहायक आयुक्त सिद्धेश्‍वर धुमाळ, वरिष्ठ पोलीस निरीक्षक निलेश माईनकर हे घटनास्थळी दाखल झाले. घटनास्थळावरून संशयितांची दुचाकी (आरजे ०९ एसएक्स ३९९२) मिळून आली. त्यावरून तपास केल्यानंतर सदरचा प्रकार अनैतिक संबंधातून घडल्याचे समोर आले. याप्रकरणी उपनगर पोलिसांनी संशयितासह तिघांना ताब्यात घेतले असून, उपनगर पोलिसात प्राणघातक हल्ल्याप्रकरणी गुन्हा दाखल करण्यात आला आहे. अधिक तपास पोलीस निरीक्षक भालेराव हे करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
