चित्रकाराचे अनोखे शिवप्रेम, स्वत:च्या रक्ताने रेखाटले छत्रपती!

सिडको (नाशिक) : छत्रपती शिवरायांच्या जयंती पार्श्वभूमीवर एका अवलिया चित्रकाराने अक्षरशः स्वतःचे ३० एम. एल. रक्त वापरून 'महाराजांचे' चित्र कागदावर रेखाटले आहे. त्यांनी केलेल्या या अनोख्या अभिवादनाचा प्रयत्न सध्या शिवप्रेमी मध्ये चर्चेचा विषय ठरत आहे.

सिडको येथील के. बी. एच. विद्यालयातील कलाशिक्षक संजय जगताप यांनी स्व: रक्तातून चित्राची निर्मिती केली आहे. कागदाच्या पानावर स्वतः च्या रक्ताने कुंचल्यातून चित्र काढून वेगळीच शिवजयंती साजरी करत आहेत. जगताप यांनी छत्रपती शिवाजी महाराजांचे पिंपळच्या पानावर देखील असे अनेक चित्रे काढली आहेत.

या सर्व उपक्रमासाठी संस्था चालक डॉ. अपूर्व हिरे ,मुख्यध्यापक ,शिक्षक वर्ग, कौटुंबिक सदस्य व मिञ परिवार यांनी जगताप यांचे कौतुक केले आहे.

चित्रकार संजय जगताप यांनी राबवलेले उपक्रम :

चिमणी बचाव, वाघ बचाव, अनेक राष्ट्रीय ,सामाजिक, राजकीय ,क्रांती कारक देवतांचे यांचे चित्र रेखाटले आहेत. पर्यावरण पूरक शाडूमातीपासून गणपती, पर्यावरण पूरक आकाश कंदील, पतंग असे अनेक उपक्रम विद्यार्थ्यां साठी घेत असतात.