पंचवटी- श्री गंगा गोदावरी पंचकोटी पुरोहित संघाचा कार्यकारिणी फलक लावण्यावरून आजी-माजी अध्यक्षांचे दोन्ही गट रविवारी (ता. २७) आमने-सामने आले. फलकावरून दोन्ही गटांत जोरदार शाब्दीक चकमक झाली. या प्रकारामुळे रामतीर्थावर तणावाचे वातावरण निर्माण झाले होते. अखेर पोलिसांनी मध्यस्थी केल्याने वाद निवळला. आजी- माजी अध्यक्ष व त्यांच्या कार्यकारिणीस सोमवारी (ता. २८) उपस्थित राहण्याच्या सूचना पोलिसांकडून देण्यात आल्या आहेत.