Passport Seva Kendra : विमानसेवेपाठोपाठ नाशिकमधील पासपोर्ट सेवाही ठप्प

नाशिक : नाशिकमधील विमानसेवेपाठोपाठ पासपोर्ट सेवाही ठप्प झाली आहे. सर्वर डाऊन असल्याने पासपोर्ट कार्यालयातील कामकाज ठप्प झाल्याची माहिती समोर आली आहे. यामुळे बाहेगावाहून पासपोर्ट काढण्यासाठी आलेल्या नागरिकांना माघारी फिरावं लागत असून नाहक मनस्ताप सहन करावा लागतो आहे.

पासपोर्ट कार्यालयाकडून सेवा पुर्ववत करण्यासाठी प्रयत्न सुरु असून लवकरात लवकर ही सेवा सुरु करण्यात येईल अशी माहिती कार्यालय प्रशानसनाने दिली आहे.

विमानसेवेपाठोपाठ पासपोर्ट सेवाही ठप्प झाल्याने लोकप्रतिनिधींनी या प्रकरणाकडे लक्ष घालावे अशी मागणी नागरिक करत आहेत.

हेही वाचा : गरज आहे पंढरपूर पुन्हा समतेचे पीठ होण्याची....

या कारणामुळे विमानसेवा ठप्प

नियमित वार्षिक देखभाल दुरुस्तीचा भाग म्हणून विमानतळ बंद ठेवण्यात आले आहे. यामुळे विमानसेवा ठप्प झाली असल्याने असल्याने नागरिकांची गैरसोय होत आहे. मात्र नियोजित कामे पुर्ण झाल्यानंतर ही सेवा पुन्हा सुरु करण्यात येईल अशी माहिती विमानतळ प्रशासनाकडून उपलब्ध झाली आहे.