Anandacha Shidha
Anandacha Shidhaesakal

Anandacha Shidha : गुढीपाडवा, डॉ. आंबेडकर जयंतीला आनंदाचा शिधा! बघा काय काय मिळणार

पुरवठा विभागाकडून शंभर रुपयांत मिळणार रवा, डाळ, साखर, तेल
Published on

नाशिक : दिवाळीप्रमाणेच येत्या २२ मार्चला साजरा होणारा गुढीपाडवा आणि त्यापाठोपाठ १४ एप्रिलला डॉ. बाबासाहेब आंबेडकर यांच्या जयंतीनिमित्त शासनाकडून गोरगरीब कुटुंबांना शंभर रुपयांत ‘आनंदाचा शिधा’ दिला जाणार आहे. त्यात, रवा, डाळ, साखर, तेल उपलब्ध करून दिले जाणार आहेत. (people get anandacha shidha on Gudipadwa Dr Ambedkar Jayanti nashik news)

हेही वाचा : बँक खात्याला जोडलेल्या सिमकार्डबाबत बाळगा ही काळजी...

Anandacha Shidha
SAKAL IMPACT : चिमुकल्या समर्थला अनेकांचा मदतीचा हात

पुरवठा विभागाच्या अंत्योदय अन्न योजना, प्राधान्य कुटुंब शिधापत्रिकाधारकांना दिवाळीला ‘आनंदाचा शिधा’ देण्यात आला. त्याच धर्तीवर गुढीपाडवा व डॉ. आंबेडकर जयंतीनिमित्त प्रत्येकी एक किलो रवा, हरभराडाळ, साखर, एक लिटर पाम तेलाचे किट प्रत्येकी शंभर रुपये दराने देण्याचा निर्णय शासनाने घेतला आहे.

२२ मार्चला गुढीपाडवा मराठी नववर्षारंभ आणि १४ एप्रिलला साजऱ्या होणाऱ्या डॉ. आंबेडकर जयंतीनिमित्त ‘आनंदाचा शिधा’ वाटप होणार आहे. अवघ्या शंभर रुपयांत रवा, हरभराडाळ, साखर प्रत्येकी एक किलो व पाम तेलचे एक लिटरची पिशवी असे किट दिले जाणार आहे.

नाशिक जिल्ह्यात तब्बल सात लाख ९३ हजार ५९१ लाभार्थ्यांना दिवाळीत आनंदाचा शिधा किटचा लाभ दिला गेला. वेळेवर सर्वांना हा शिधा वितरित झाला.

दुकानदारांना आनंदाचा शिधावाटपाचे कमिशन, प्रत्येकी किटनुसार सहा रुपये असे दिले गेले होते, असे पुरवठा विभागाच्या सूत्रांनी सांगितले. गुढीपाडव्याला साधारण २१ दिवस बाकी असले, तरी पुरवठा विभागाकडून शिधावाटपाची तयारी सुरू झाली आहे.

Anandacha Shidha
Kasaba Bypoll Election : गिरीश महाजनांच्या कार्यक्षमतेची नाशिकमध्ये कसोटी; भाजप, शिंदे गट बॅकफूटवर

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com