Tomato
sakal
पिंपळगाव बसवंत: परतीच्या धुवाधार पावसामुळे इतर जिल्ह्यांतील टोमॅटोचे पीक उद्‌ध्वस्त झाले असून, तेथील बाजारपेठेत टोमॅटोची आवक घटली आहे. त्याचा सकारात्मक परिणाम पिंपळगाव बसवंत बाजार समितीतील टोमॅटोच्या बाजारभावावर झाला आहे. शंभर रुपये प्रतिक्रेट अशा गडगडलेल्या टोमॅटोच्या दरात सोमवारी (ता. २२) चांगलीच तेजी आली. चारशे रुपये प्रतिक्रेट (२० किलो) असे टोमॅटोचे दर मिळाल्याने उत्पादकांत समाधानाचे वातावरण आहे.