Crime News : तस्करांच्या संपर्कातील पोलिस निलंबित

नाशिक- वडाळागावातील अमली पदार्थ एमडी (मॅफेड्रॉन) ड्रग्जच्या अड्ड्यांवर छाप्याच्या कारवाईत शहर पोलिस दलातीलच पोलिसाचा प्रत्यक्ष सहभाग असल्याचे उघड झाल्याने त्याच्याविरोधात पोलिस आयुक्त संदीप कर्णिक यांनी निलंबनाची कारवाई केली आहे. .पोलिस तपासातून त्याचे याआधीचेही कारनामे समोर आले असून, वडाळागावातील एमडीच्या गुन्ह्यात त्याला सहसंशयितही करण्यात आले. आयुक्त कर्णिक यांच्या या कारवाईमुळे अवैध व्यावसायिकांशी संबंध असलेल्या आयुक्तालयातील पोलिसांचे मात्र धाबे दणाणले आहे..युवराज शांताराम पाटील असे निलंबित करण्यात आलेल्या पोलिस कर्मचाऱ्याचे नाव आहे. वडाळागावात २०२३ मध्ये छोटी भाभीचा ‘एमडी’चा अड्डा पोलिसांनी छापा टाकून उद्ध्वस्त केला होता. या कारवाईत पोलिसांनी ‘एमडी’ तस्कर वसीम रफीक शेख (वय ३६), नसरीन ऊर्फ छोटी भाभी इम्तियाज शेख (३२, रा. सादिकनगर, वडाळागाव) यांना अटक केली. नंतर, छोटी भाभीचा पती इम्तियाज शेख, भिवंडीतून सलमान अहमद फलके, ठाण्यातून शब्बीर ऊर्फ आयना अब्दुल अजीज मेमन, कसाऱ्यातून सद्दाम सारंग यांना अटक केली. .वसीम, छोटी भाभी व इम्तियाज अजूनही नाशिक रोडच्या मध्यवर्ती कारागृहात आहेत. लोकप्रतिनिधींच्या संपर्कातील इरफान ऊर्फ चिपड्या शेख (रा. सादीकनगर, वडाळा), करण सोनटक्के या दोघांना गेल्या वर्षी अटक केली. या संशयितांच्या युवराज पाटील सातत्याने संपर्कात होता. इंदिरानगर पोलिस ठाण्यातील या गुन्ह्यात त्याचा सहभाग असल्याचे निष्पन्न झाल्याचा ठपका ठेवत त्याच्यावर निलंबनाची कारवाई करण्यात आली. याच गुन्ह्यात त्यास सहसंशयितही केले आहे..याशिवाय, इंदिरानगर, नाशिक रोडमधील अमली पदार्थ आणि इंदिरानगर, भद्रकालीतील गोवंशी मांसविक्री व वाहतुकीच्या गुन्ह्यांमध्येही तो संशयितांचा संपर्कात होता. संशयितांशी त्याचे फोनद्वारे संभाषण असल्याचे चौकशीतून समोर आले आहे. तसेच, पोलिस अधिकाऱ्यांच्या चौकशीलाही त्याने समाधानकारक उत्तरे दिलेली नाहीत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.