Police Recruitment : पडताळणीनंतर पोलिस भरतीत 12 हजार 266 उमेदवार पात्र

नाशिक : ग्रामीण पोलिस विभागात १६४ पोलिस शिपायांच्या जागांसाठी ग्रामीण पोलिसांकडून अर्ज मागविण्यात आले आहे. त्यासाठी २१ हजार ४९ अर्ज आले आहेत.पोलिस शिपाई पदासाठी १८ हजार ९३५ तर चालक पोलिस शिपाई पदासाठी २११४ उमेदवारांनी अर्ज केले आहेत. (Police Recruitment 12 thousand 266 candidates eligible for police recruitment after verification nashik news)

हेही वाचा : मेडिकल मॅनेजमेंटही हृदयविकारावर ठरु शकते उपाय

जिल्हा ग्रामीण पोलिसांनी ९ ते ३० नोव्हेंबर दरम्यान पोलिस शिपाई भरतीसाठी आॅ नलाईन अर्ज मागविले होते. पोलिस शिपाई १६४ तर शिपाई चालक पदाच्या १५ जागांसाठी अर्ज मागविण्यात आले होते. त्यानंतर ही मुदत १५ डिसेंबरपर्यत वाढविण्यात आली.

त्यानंतर २ ते २० जानेवारी दरम्यान मैदानी स्पर्धेसाठी चाचणी घेण्यात आली. त्यात अर्ज केलेल्या २१ हजार ४९ उमेदवारापैकी १४ हजार ३२६ उमेदवारांनी हजेरी लावली. त्यातील १२ हजार २६६ उमेदवार कागदपत्र आणि शारीरिक पडताळणीनंतर पात्र ठरलेल्या उमेदवारांच्या चाचण्या पूर्ण झाल्या.

त्यात उमेदवारांना मिळालेले गुण त्याच दिवशी पोलिसांच्या संकेत स्थळावर प्रसिध्द झाले. उमेदवारांना काही तक्रारी असल्यास इच्छुकांनी पोलिस मुख्यालयाच्या ०२५३ ० २२००४०१ किंवा ९८२२९७४२५० या क्रमांकावर संर्पक साधावा असे आवाहान पोलिस अधीक्षक शहाजी उमाप यांनी केले आहे.