डाक विभाग करणार आधारला मोबाईल क्रमांक आणि ई-मेल आयडी लिंक

नाशिक : स्वातंत्र्याच्या अमृत महोत्सवानिमित्त नाशिक डाक विभागाने पोस्टमन, डाकसेवक यांच्या माध्यमातून विभागातील सर्व डाक कार्यालयात युआयडीएआयच्या (UIDAI) सीईएलसी (CELC) ॲपद्वारे नागरिकांना आधारकार्डला मोबाईल क्रमांक आणि ई-मेल आयडी अद्ययावत करण्याची सुविधा सुरू केली आहे. त्या अनुषंगाने १० व ११ डिसेंबरला विशेष मोहीम राबविण्यात येणार असून, या सेवेचा नागरिकांनी लाभ घ्यावा, असे नाशिक डाकघर विभागाचे प्रवर अधीक्षक मोहन अहिरराव यांनी सांगितले.

विभागातील सर्व डाक कार्यालयात ही सुविधा उपलब्ध करण्यात आली असून या सेवेमुळे नागरिकांना आधारकार्डला मोबाईल क्रमांक व ईमेल आयडी लिंक करता येणार आहे. त्याअनुषंगाने नाशिक विभागातील सर्व नागरिकांनी तसेच मोठ्या हौसिंग सोसायटीचे अध्यक्ष किंवा सचिव यांनी सर्व रहिवाशांसाठी तसेच मोठ्या आस्थापना किंवा कार्यालयांचे प्रमुखांनी त्यांच्या कर्मचाऱ्यांसाठी एकत्रितपणे एकाच वेळेस अद्ययावत माहिती लिंक करण्याकरिता जवळच्या डाक कार्यालयाशी अथवा पोस्टमन यांच्याशी संपर्क साधावा.