नाशिक : सोनी मराठी टीव्हीवर येत्या ५ जानेवारीपासून ‘पोस्ट उघडे आहे’ ही मालिका सुरू होत असून या मालिकेचा प्रोमो सध्या सोनी मराठी टीव्हीवर दाखवत आहेत. या प्रोमोमधील काही दृश्य आक्षेपार्ह असून यावर पोस्टल संघटनांनी आक्षेप नोंदवला आहे. यासंदर्भात नॅशनल असोसिएशन ऑफ पोस्टल एम्प्लॉईज वर्ग -३ यांच्यातर्फे प्रवर अधीक्षक डाकघर नाशिक विभागाकडे निवेदन देण्यात आले. (Postal unions objection to marathi serial poster ughade ahe on Sony TV Nashik News)
प्रोमोमधील दृश्यांमध्ये टपाल कार्यालयाच्या कर्मचाऱ्यांची प्रतिमा मलिन केलेली असून, टपाल कर्मचाऱ्यांच्या भावना दुखावल्या गेलेल्या आहेत. सदर प्रकरणाची प्रशासनाने गंभीर दखल घेऊन सोनी टीव्ही तसेच मालिकेच्या लेखक- निर्माता व दिग्दर्शकाच्या विरोधात कडक कायदेशीर कारवाई करावी अथवा संघटना आंदोलनात्मक पवित्रा घेईल, या आशयाचे निवेदन देण्यात आले.
सदर निवेदन नॅशनल असोसिएशनचे महाराष्ट्र पदाधिकारी आशुतोष देशपांडे यांच्या मार्गदर्शनाखाली चेतन आपेट, नंदकुमार देशपांडे, पंकज धरणगावकर, दत्तात्रेय खताळे, नवनाथ गोरडे, शीतल आव्हाड, मोनिका अग्रवाल, श्रद्धा कुलकर्णी, स्नेहा पंडित, आनंदा सोनकांबळे यांनी वरिष्ठ अधीक्षक डाक विभाग मोहन अहिरराव आणि सहायक डाक अधीक्षक प्रशांत मालकर यांना देण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
