Nashik rain updates | देवळा तालुक्यात रिमझिम पाऊस | Sakal
sakal

बोलून बातमी शोधा

rain

Nashik rain updates | देवळा तालुक्यात रिमझिम पाऊस

देवळा (जि. नाशिक) : तालुक्यात पावसाने हजेरी लावल्याने शेतकऱ्यांच्या आशा पल्लवीत झाल्या आहेत. खरीप पिकांना जोरदार पावसाची गरज असली तरी गेले काही दिवस ढगाळ वातावरण व नुसता तुषार सिंचनासारखा तुरळक पाऊस अशी स्थिती होती. मात्र, आज दिवसभर रिमझिम पावसाचे वातावरण राहिले. (Nashik rain updates)

पावसाळा लागून एक महिना झाला असला तरी येथील नद्या, नाले, धरणे, तलाव कोरडे आहेत. इतर भागात मुसळधार पावसाने हाहाकार माजवलेला असताना या भागात मात्र जोरदार पाऊस नाही. यामुळे शेतकरी वर्गात चिंतेचे वातावरण आहे. मका, बाजरी, भुईमुग, सोयाबीन, ज्वारी अशी खरीप हंगामातील पिके पावसाच्या प्रतीक्षेत आहेत. मोठा पाऊस नसल्याने लवकर पेरणी केलेल्या मका पिकावर लष्करी अळी दिसू लागली आहे. जोरदार पाऊस न आल्यास खरीप हंगामातील उत्पन्नात मोठी घट येवू शकते. खते, बियाणे, मजुरी असा मोठा खर्च करत शेतकऱ्यांनी खरीप हंगाम घेतला असला तरी मोठा पाऊस नसल्याने पिकांची अवस्था दयनीय झाली आहे. शुक्रवारी दुपारपासून पश्‍चिम भागात पाऊस असला तरी पूर्व भागात मात्र त्याचे प्रमाण कमीच होते. पावसाची रिमझिम चालू राहिल्याने शेतीची कामे बंद राहिली.

हेही वाचा: बंडखोरीची दहा कारणं देत संजय राऊत शिंदे गटावर बरसले!

हेही वाचा: मंत्रिमंडळ विस्तार कधी होणार? CM शिंदेंनी दिलं उत्तर, म्हणाले...

Web Title: Rain In Deola Taluka Nashik Updates

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :NashikrainMonsoon