Nashik News : नव्या बेदाण्याची पिंपळगाव बाजार समितीत आवक; किलोला मिळाला 138 रुपये भाव!

पिंपळगाव बसवंत (जि. नाशिक) : यंदाच्या हंगामातील नव्या बेदाण्याचे पिंपळगाव बाजार समितीत आकर्षक दराने स्वागत झाले आहे. १३८ रुपये प्रतिकिलो असा दर नव्या बेदाण्याला मिळाल्याने यंदा बेदाणा उत्पादकांसाठी सकारात्मक संकेत मिळाले आहे. सोमवारी (ता.२६) पिंपळगाव बाजार समितीत झालेल्या बेदाणा लिलावात नव्या हंगामातील एक टन बेदाण्याची आवक झाली. (raisins at Pimpalgaon market committee Kilo got 138 rupees price Nashik News)

हेही वाचा : जोखीममुक्त व्यवहारांसाठी रिझर्व बँकेचा 'डिजिटल रुपया'

सटाणा परिसरातील द्राक्ष हंगाम गेली दोन महिन्यापासून सुरू आहे. येथे तयार झालेला बेदाणा पिंपळगाव बाजार समितीत विक्रीसाठी येऊ लागला आहे. देशांतर्गत तमिळनाडू येथे होणार पोंगल सण उत्सवामुळे बेदाण्याला मागणी वाढण्याची शक्यता आहे. तर आंध्रप्रदेश, केरळ मध्येही बेदाण्याला उठाव वाढला आहे. परदेशात सौदी अरेबिया, कोलंबो, व्हिएतनाम, युरोप या देशात निर्यात सुरू आहे. पिंपळगावच्या पिवळ्या बेदाण्याचे दर सरासरी १२० ते १४० रुपयांपर्यंत मिळत आहे.

नव्या बेदाण्याची आवक होऊन व्यापारी चंद्रकांत राका यांनी तो १३८ रुपये प्रतिकिलो दराने खरेदी केला. यावेळी बेदाणा व्यापारी शीतलकुमार भंडारी, स्नेहल कुमार शाह, शांतिलाल चोरडीया, मोतीलाल चोरडीया, रघुनाथ शिनकर, राजेंद्र कुंभार, प्रवीण कुलथे, महेंद्र ओसवाल, योगेश ठक्कर, प्रमोद राठी, करसदास ठक्कर, रवींद्र घुमरे, इक्बाल कुरेशी, सुनील दिक्षीत, आतिष कोचर, आकाश कोचर आदी उपस्थित होते.