मी ‘ईडी’ आयुक्त बोलतोय....‘ईडी’च्या नावाचा गैरफायदा घेत मागितली खंडणी!

‘ईडी’च्या नावाने भल्याभल्यांना घाम फुटतो. याचाच गैरफायदा घेतल्याचा गंभीर प्रकार समोर
ed
edesakal

नाशिक : तुमच्या चार ते पाच फायली आम्हाला प्राप्त झाल्या आहेत, मी ‘ईडी’ (Enforcement Directorate) (सक्त वसुली संचालनालय) आयुक्त बोलतोय..' असा फोन आला. अर्थातच ‘ईडी’च्या नावाने भल्याभल्यांना घाम फुटतो. याचाच गैरफायदा घेत एकाने (Ransom) धमकावण्याचा प्रकार शुक्रवारी (ता. ७) केला. (crime)

मी ‘ईडी’ आयुक्त बोलतोय....

राजकीय नेत्यांवरील धडक कारवाईमुळे ‘ईडी’ अर्थात, सक्त वसुली संचालनालय ही भ्रष्टाचारविरोधी तपास संस्था चर्चेत आहे. ‘ईडी’च्या नावाने भल्याभल्यांना घाम फुटतो. याचाच गैरफायदा घेत एकाने बाजार समितीतील ज्येष्ठ संचालक दिलीप थेटे यांना धमकावण्याचा प्रकार शुक्रवारी (ता. ७) केला. ‘ईडी’चा हा तोतया अधिकारी असल्याचे त्याच्या संभाषणावरून लक्षात आल्यानंतर शनिवारी श्री. थेटे यांनी सायबर पोलिस ठाण्यात तक्रार अर्ज दिला. संशयिताने थेटे यांना व्यवहारराच्या अनुषंगाने चार फायली आल्या असून, आता काही वेळातच आर्थिक गुन्हे शाखेकडून तुमच्यावर गुन्हा दाखल केला जाईल. हा गुन्हा जर दाखल होऊ द्यायचा नसेल, तर काही देवाणघेवाण करून हे प्रकरण येथेच थांबवता येईल, असे सांगितल्याचे थेटे यांनी फिर्यादीत म्हटले आहे.

ed
नाशिकमध्ये कडक लॉकडाऊन; काय सुरू, काय बंद?

खंडणी वसुलीसाठी धमकावले

थेटे यांनी त्याच्याकडे थोडा वेळ मागून याबाबत पुढे काय करायचे ते कळवितो, असे त्यास सांगितले. त्यानंतर पुन्हा काही वेळाने थेटे यांनी त्या मोबाईल क्रमांकावर फोन केला असता त्या तोतया ‘ईडी’ अधिकाऱ्याने थेटे यांच्याकडून घर, जमीन, कुटुंबाबाबत सर्व माहिती विचारल्याचे फिर्यादीत म्हटले आहे. खोटी शासकीय अधिकारी अशी ओळख सांगून तोतयागिरी करून ठकबाजी करण्याचा प्रयत्न करीत खंडणी मागितल्याप्रकरणी सायबर पोलिसांनी माहिती तंत्रज्ञान कायद्यासह खंडणी वसुलीसाठी धमकावल्याबद्दल गुन्हा दाखल केला.

सायबर पोलिस ठाण्यात गुन्हा दाखल

तुमच्या चार ते पाच फायली आम्हाला प्राप्त झाल्या आहेत, मी ‘ईडी’ (सक्त वसुली संचालनालय) आयुक्त बोलतोय..' असा फोन करून नाशिक कृषी उत्पन्न बाजार समितीतील ज्येष्ठ संचालक दिलीप थेटे यांच्याकडून खंडणी वसुलीचा प्रयत्न झाल्याची बाब समोर आली आहे. या प्रकरणी सायबर पोलिस ठाण्यात शनिवारी (ता.८) गुन्हा दाखल झाला.

ed
पत्रकारांना फ्रंटलाईन वर्कर्सचा दर्जा देऊन तातडीने लस द्या- छगन भुजबळ

अमरावतीत धागेदोरे

शहरातील काही शासकीय अधिकारी तसेच राजकीय नेत्यांना काही दिवसांपूर्वी अशाच प्रकारे धमकवल्याची चर्चा सुरू आहे. याप्रकरणी आता सायबर पोलिसांनी मोबाईल क्रमांकाद्वारे तांत्रिक विश्लेषण करण्यास सुरवात केली आहे. त्याचे धागेदोरे विदर्भाकडे सरकले असून, ते अमरावतीपर्यंत येऊन थांबल्याची चर्चा पोलिस वर्तुळात होती.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com