
जिल्हाधिकारी कार्यालयात गुरुवारी जिल्हा परिषदेसाठी आरक्षण सोडत
नाशिक : जिल्हा परिषद (ZP) आणि पंचायत समित्यांच्या निवडणुकीसाठी (Panchayat Samiti election) अनुसूचित जाती-जमाती, नागरिकांचा मागास प्रवर्ग व महिला यांच्यासाठी आरक्षणाची सोडत (Reservation draw) गुरुवारी (ता. २८) सकाळी अकराला काढण्यात येणार आहे.
जिल्हा परिषदेसाठी ही सोडत जिल्हाधिकारी कार्यालयातील नियोजन भवनात काढली जाईल. पंचायत समित्यांसाठीची सोडत त्याचदिवशी आणि त्याचवेळेला तालुकास्तरावर काढली जाईल. (reservation draw for ZP Election at Collector office on Thursday nashik Latest Marathi News)
उपजिल्हाधिकारी नितीन गावंडे यांनी आरक्षण सोडतीच्या कार्यक्रमाची सूचना प्रसिद्धीला दिली आहे. तसेच जिल्हा परिषद, पंचायत समितीतील रहिवाशांना आरक्षण सोडतीसाठी उपस्थित राहता येईल, असे जिल्हाधिकारी गंगाथरन डी. यांनी म्हटले आहे.
आरक्षणाचे प्रारूप शुक्रवारी (ता. २९) प्रसिद्ध केले जाईल. आरक्षणाबाबत हरकती अथवा सूचना असल्यास जिल्हाधिकारी अथवा तहसीलदारांकडे २९ जुलै ते २ ऑगस्ट २०२२ पर्यंत सादर करता येतील.
हेही वाचा: शहरात मुलींच्या जन्मदरात घट; मागील वर्षाच्या अहवालातून बाब स्पष्ट
पंचायत समित्यांसाठी काढण्यात येणाऱ्या आरक्षणाचे स्थळ असे : नाशिक-तहसीलदार कार्यालय, दिंडोरी-पंचायत समिती सभागृह, त्र्यंबकेश्वर-तहसीलदार कार्यालयातील बैठक सभागृह, इगतपुरी-पंचायत समिती सभागृह, चांदवड-मध्यवर्ती प्रशासकीय कार्यालय, कळवण-मध्यवर्ती प्रशासकीय इमारतीमधील पंचायत समिती सभागृह, नांदगाव-तहसीलदार कार्यालय, येवला-तहसीलदार कार्यालयातील पहिल्या मजल्यावरील बैठक सभागृह, बागलाण-पंचायत समिती सभागृह, देवळा-नवीन प्रशासकीय इमारतीमधील तहसीलदार कार्यालय, पेठ-तहसीलदार कार्यालय नवीन इमारत, सुरगाणा-पंचायत समिती सभागृह, मालेगाव-तहसीलदार कार्यालयातील बैठक सभागृह, निफाड-कृषी उत्पन्न बाजार समितीच्या उपबाजारातील सभागृह, सिन्नर-तहसीलदार कार्यालय.
हेही वाचा: Nashik : अखेर पंचवटीतील पाणीपुरवठ्यात सुधारणा
Web Title: Reservation Draw For Zp Election At Collector Office On Thursday Nashik Latest Marathi News
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..