नाशिकमध्ये बससेवेला प्रवाशांचा अल्‍प प्रतिसाद
निर्बंध शिथिल केल्‍यानंतर राज्‍य मार्ग परिवहन महामंडळाच्‍या नाशिक विभागातर्फे बस फेऱ्यांचे नियोजन केले होते. जिल्‍हांतर्गत व जिल्‍हाबाहेरील बस प्रवाशांच्‍या सेवेत उपलब्‍ध केल्‍या होत्‍या.
नाशिक : निर्बंध शिथिल केल्‍यानंतर राज्‍य मार्ग परिवहन महामंडळाच्‍या नाशिक विभागातर्फे बस फेऱ्यांचे नियोजन केले होते. जिल्‍हांतर्गत व जिल्‍हाबाहेरील बस प्रवाशांच्‍या सेवेत उपलब्‍ध केल्‍या होत्‍या. सोमवारी (ता. ७) विभागातून २१६ बस सोडण्यात आल्‍या. सामान्‍य परिस्‍थिती रोज पाचेशहून अधिक बस नाशिकहून सोडल्‍या जात होत्‍या. त्‍यामुळे पहिल्‍या दिवशीतरी बससेवेला प्रवाशांचा अल्‍प प्रतिसाद मिळाला. (response for st bus in nashik after unlock was less)
कोरोना महामारीमुळे एसटी महामंडळाच्‍या उत्‍पन्नावर पारी फेरले. गेल्‍या वर्षीपासून दीर्घ कालावधीसाठी बससेवा प्रभावित झाली आहे. दरम्‍यान, कोरोनाचा प्रादुर्भाव कमी झाल्‍याने निर्बंध शिथिल करताना सार्वजनिक वाहतूक सेवेला परवानगी दिली आहे. या पार्श्वभूमीवर नाशिकमधील जुने सीबीएस, नवीन सीबीएस, महामार्ग बसस्‍थानकांहून बस सोडण्याचे नियोजन होते. मात्र, प्रवाशांची फारशी गर्दी बसस्‍थानकांवर बघायला मिळाली नाही.
नाशिक विभागातून अन्‍य जिल्‍ह्यांसाठी सायंकाळी उशीरापर्यंत २१६ बस सोडल्‍या होत्‍या. यात निमआराम आणि सामान्‍य बसचा समावेश होता. नवीन सीबीएस आणि महामार्ग बसस्थानकातून पुणे, धुळे, औरंगाबाद, बोरीवली, दादर, नंदुरबार, शिर्डी, नगर आदी ठिकाणांसाठी बस सुटली. जिल्‍हांतर्गत सटाणा, मालेगाव, कळवण, सिन्नर, नांदगाव, येवला, पेठ, कसारा मार्गांवर बस धावली.
सिटी बस बंदच
महापालिकेची शहर बससेवा अद्याप सुरू झालेली नाही. यापूर्वी एसटी महामंडळातर्फे सिटी बससेवा पुरविली जात होती. या पार्श्वभूमीवर जिल्‍हांतर्गत व लांब पल्ल्‍याच्‍या बसफेऱ्या सुरू करताना महामंडळाने अद्याप सिटीबस सुरू केल्‍या नसल्‍याचे सांगितले जात आहे. त्‍यामुळे सोमवारी सिटी बस धावल्‍या नाहीत.
(response for st bus in nashik after unlock was less)
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.